Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.80
EUR / KZT - 390.57
CNY / KZT - 49.88
RUB / KZT - 5.60

Жалпы құны 1 триллион теңгеге жуық жер телімдері мемлекетке қайтарылды

23 Қаңтар 2015, 16:00
0
©olx.kz
©olx.kz

Қазақстанда 2014 жылы жалпы құны 980 миллиард теңгеден астам жер телімдері мемлекет меншігіне қайтарылды, - деп хабарлайды Tengrinews.kz тілшісі ҚР Бас прокуратурасының баспасөз қызметіне сілтеме жасап. 

Бас прокуратураның алқа мәжілісінде Бас прокурор Асхат Дауылбаев пайдаланылмай жатқан жер телімдерін мемлекеттің меншігіне қайтаруда Астана прокурорларының еңбегін ерекше атап өтті. "Мораторий жағдайында, кәсіпкерлердің құқықтарына нұқсан келтірместен, аралап көру және жүйеленген талдау жасау арқылы Астана қаласының прокуратурасы кадастрлық құны 575,7 миллиард теңге тұратын пайдаланылмай жатқан 255 жер телімін анықтаған. Бүгінде 2700 гектар жер мемлекет меншігіне қайтарылды", - деді ол.

Бас прокурордың айтуынша, сонымен бірге мемлекет қажетіне жер сатып алуға бағытталған бес жарым миллиард теңге сомасындағы бюджет қаражатын негізсіз шығындауға жол бермеу жөніндегі алдын алу шаралары қолға алынды. "Тек бір ғана Алматы облысының прокуратурасы жерді алу рәсімдерін бұзу фактілері бойынша сотқа 100-ге жуық талап-арыз берген, олардың қанағаттандырылуы 1 миллиард 800 миллион теңге сомасындағы мемлекет мүддесін қорғауға мүмкіндік берді", - деді Дауылбаев. 

Еске сала кетейік, өткен жылдың сәуір айында алаяқтардың елорданың 400 гектар жерін заңсыз иемденгені хабарланған болатын. Әділет басқармасының бұрынғы бастығы өз сыбайласымен бірге жалған құжаттарды жасап, елорданың іргесінде 6,4 миллиард теңгенің 379 гектар жерін заңсыз иемденіп алған.


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай