Жаңа тағайындалған бас прокурор жайлы не білеміз

18 Наурыз, 14:24
0
Жаңа тағайындалған бас прокурор жайлы не білеміз - © nurotan.kz
© nurotan.kz

Бүгін, 18 наурызда Ғизат Нұрдәулетов бас прокурор болып тағайындалды. Осы ретте Tengrinews.kz тілшісі жаңа тағайындалған бас прокурор жайлы мәлімет жинады.

Ғизат Нұрдәулетов 1964 жылы 11 маусымда Алматы облысында дүниеге келген. Үйленген, үш баласы бар.

1986 жылы Киров атындағы Қазақ мемлекеттік университетін аяқтаған. Еңбек жолын Жамбыл ауданында бастаған - прокуратурада тергеуші болып қызмет атқарған, кейінірек прокурордың орынбасары болып тағайындалды.

1990-1996 жылдары прокуратура органдарында жұмыс істеген, 1996-1997 жылдары ҚР Мемлекеттік тергеу комитеті органдарында, 1997-2007 жылдары ҚР Ұлттық қауіпсіздік комитетінде қызмет етті. 2007 жылы Ұлттық қауіпсіздік комитетінің Алматы облысы бойынша департаментінің басшысы болып тағайындалды, 2013 жылдың 6 мамырында ұлттық қауіпсіздік қызметінің генерал-майоры болды. 

Кейін 2016 жылдың қарашасында Ұлттық қауіпсіздік комитетінің ОҚО бойынша департаментінің басшысы қызметіне келді. 

2017 жылдың 12 шілдесінде Президенттің бұйрығымен Ғизат Нұрдәулетов бас прокурордың бірінші орынбасары болып тағайындалды. Ол осы күнге дейін сол қызметте болған еді.

Ұлттық қауіпсіздік қызметінің генерал-майоры атағын иеленген, II дәрежелі  "Айбын"  орденімен марапатталған.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай