Жанталаса қарулануға әкелуі мүмкін - СІМ АҚШ-тың зымыран жою туралы шарттан шығуы жайлы

04 Тамыз, 17:30
0
Жанталаса қарулануға әкелуі мүмкін - СІМ АҚШ-тың зымыран жою туралы шарттан шығуы жайлы - ҚР СІМ баспасөз қызметі
ҚР СІМ баспасөз қызметі

ҚР СІМ өкілдері АҚШ-тың орта және кіші қашықтықтағы ракеталарды жою туралы шарттан шығуына байланысты пікір білдірді, - деп хабарлайды Tengrinews.kz тілшісі министрліктік ресми сайтына сілтеме жасап. 

"Қазақстан Республикасының Сыртқы істер министрлігі Америка Құрама Штаттарының, халықаралық қауіпсіздікті қамтамасыз ететін ең маңызды факторларының бірі болып саналатын - Орта және кіші қашықтықтағы ракеталарды жою туралы шарттан шығу туралы шешіміне байланысты алаңдаушылығын білдіреді. Оны денонсациялау жаңа жанталаса қарулануға әкелуі және жаһандық ауқымда ауыр салдары болуы мүмкін", - делінген хабарламада.

Сонымен қатар, Қазақстан Республикасы барлық тараптармен Шарттың сақталуын және мүлтіксіз орындалуына әрқашан қолдау көрсетіп, сондай-ақ, ядролық қаруды тасымалдау құралдарының бүтін тобын жоюға және Ядролық қаруды таратпау туралы шарттың IV бабына сәйкес ядролық қарусыздануда елеулі прогреске қол жеткізуге мүмкіндік берген шарттың бірегей тарихи келісім ретінде бұлжымас құндылығын растайтынын жазды. 

"Қазақстан қолдағы екіжақты және көпжақты тетіктердің шеңберінде сындарлы келіссөздер арқылы бар мәселелерді шешу үшін тараптар барлық қажетті күш-жігер салады деген үміт артады", - деді СІМ өкілдері.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай