Жайықта балықтың қырылуының жаңа деректері тіркелген жоқ

13 Желтоқсан 2018, 13:40
0
Жайықта балықтың қырылуының жаңа деректері тіркелген жоқ - видеодан үзінді
видеодан үзінді

Жайық өзені мен жақын жатқан арналарда балықтың қырылуының жаңа ошағы тіркелмеген, уәкілетті органдар өзенді өлген балықтан тазартуды жалғастыруда, - деп хабарлайды Tengrinews.kz тілшісі Атырау облыстық өңірлік коммуникациялар қызметіне сілтеме жасап.

Бұл туралы Атырау облыстық орман шаруашылығы және жануарлар дүниесі аумақтық инспекциясы басшысының орынбасары Арман Мулдашев хабарлады.

"Әлеуметтік желіде таралған бекіре тұқымдас балықтардың қырылуы туралы бейне бір апта бұрын Жайық өзеніндегі балық шаруашылықтарының бірінде түсірілген. Бұл жалпыға белгілі факт. Бүгінгі күні балықтың қырылуының жаңа фактілері тіркелген жоқ. Ахуал тұрақты. Қазіргі уақытта мамандардың бағалауы бойынша су балық үшін қауіпсіз. Жоғарыда аталған жағдай бойынша қылмыстық іс тіркеліп, қазіргі уақытта Жайыққа су ағызатын құрылыстары бар барлық кәсіпорындарға жоспардан тыс тексеру жүргізілуде. Біз өзенді өлген балықтан тазартуды жалғастырудамыз", - деді Арман Мулдашев. 

Қазіргі уақытта ведомствоаралық комиссия Жайықта балықтың жаппай қырылу себептерін анықтауда. Балықтың қырылу фактісі бойынша екі қылмыстық іс қозғалды. Мамандар жақын арада Жайық өзеніне су ағызатын құрылыстары бар барлық кәсіпорындарды тексереді. Бұған дейін Қоғамдық денсаулық сақтау департаментінің мамандары хабарлағандай Жайық өзенінің суы тұрғындар үшін қауіпсіз.

Айта кетейік, Атырауда балықтардың жаппай қырылуына қатысты қылмыстық іс қозғалып, кейін Жайықтан бір тонна өлі балық шығарылғаны хабарланған

"Жайықта балықтың жаппай қырылуына байланысты сотқа дейінгі тергеу шаралары басталды. ҚР Кәсіпкерлік кодексінің 144-бабы 3-бөлігі 6-тармағына сәйкес Атырау облыстық экология департаменті және Атырау қоғамдық денсаулықты қорғау ұйымына Жайық өзеніне су құятын құрылғысы бар барлық мекемеге жоспардан тыс тексеру жұмыстарын жүргізу тапсырылды. Қазіргі уақытта өзен өлген балықтардан тазартылып жатыр, шамамен бір тонна балық шығарылды", - деді инспекцияның бас маманы Ақмарал Қаукенов. 

Осы жағдайға қатысты веломствоаралық комиссия құрылған, оның құрамында Атырау облыстық балық шаруашылығы басқармасы, мамандандырылған табиғатты қорғау прокуратурасы, экология департаменті, Балық шаруашылығы Қазақ ғылыми-зерттеу институты, ветеринариялық бақылау және қадағалау комитетінің территориялық инспекциясы, сондай-ақ ТЖД өкілдері және қалалық қоғамдық денсаулық қорғау басқармасының мамандары кірді. 

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай