Жеңістің 70 жылдығын тойлауға 5 миллиард теңге бөлінеді

01 Қазан 2014, 14:58
0
Жеңістің 70 жылдығын тойлауға 5 миллиард теңге бөлінеді - ©Тұрар Қазанғапов
©Тұрар Қазанғапов

Ұлы Отан соғысындағы Жеңістің 70 жылдығын мерекелеуге ел бюджетінен 5 миллиард теңгеден астам қаржы бөлінеді. Орталық коммуникациялар қызметінде өткен брифингте бұл туралы Денсаулық сақтау және әлеуметтік даму министрінің орынбасары Светлана Жақыпова айтты, - деп хабарлайды Tengrinews.kz тілшісі.

"Келесі жылы біз Жеңістің 70 жылдығын тойлаймыз. Бүгінде Үкімет оны мерекелеу мен біздің соғыс ардагерлерімізге құрмет көрсетудің іс-шаралар жоспарын қабылдап жатыр. Бұл жоспардың шеңберінде бюджеттен 5 миллиард теңгеден астам қаржы бөлінетін болады, бюджет комиссиясы бұл шығындарды мақұлдады", - деді Жақыпова.

Оның айтуынша, бұл сомаға біржолғы жәрдемақы төлеу, ардагер мен оны жетелеп жүруші адамның Мәскеуге сапар шегу ақысы кіреді. Сонымен бірге, ардагерлердің тұрғын жайын жақсартуға 6 миллионнан астам теңге қарастырылады. Вице-министрдің мәліметінше, қазіргі уақытта Қазақстанда 5540 соғыс ардагері қалған. 

Бұған қоса, бүгін Қарт адамдардың халықаралық күні аталып өтіп жатыр. Министрліктің әлеуметтік көмек департаментінің директоры Арман Өмірбаев мерекеге 9,5 миллиард теңгеге жуық қаржы бөлінгенін айтты. "Бұл - жергілікті бюджеттің қаржысы, сонымен бірге, бизнестің әлеуметтік жауапкершілігі шеңберінде бөлінген қаражат. Мерекеде 540 мың адамды қамту жоспарланып отыр", - деді Өмірбаев.

Ол биыл қарттардың қоғамдық көлікте жеңілдікпен жүруі үшін 1,8 миллиард теңге қарастырылғанын айтты. Жеңілдетілген жолақы 150 мыңға жуық адамға беріледі. Біржолғы жәрдем көрсету үшін 2,4 миллиард теңге бөлінген, ол 170 мың азаматқа беріледі. 

 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай