Қар жинау жұмыстарының сапасыздығы үшін 20 шағын және орта бизнес субъектісіне айыппұл салынды

13 Қаңтар 2016, 12:18
0
Қар жинау жұмыстарының сапасыздығы үшін 20 шағын және орта бизнес субъектісіне айыппұл салынды - © Тұрар Қазанғапов
© Тұрар Қазанғапов

Қар жинау жұмыстарының сапасыздығы үшін 20 шағын және орта бизнес субъектісіне айыппұл салынды, - деп хабарлайды Tengrinews.kz тілшісі елорда сайтына сілтеме жасап.

Астана қаласы Жергілікті полиция бөлімшелерінің қызметкерлері күн сайын қаланы санитарлық тазартуды бақылау бойынша рейдтер өткізеді, маңайдағы аумақты қар мен мұздан уақытылы тазалауды тексереді. Тексеру барысында тиісті учаскелерді жинау бойынша шараларды уақытылы қолданбаған мердігерлік ұйымдар, дүкендер, дәмханалар, сауда орындары, сондай-ақ, басқарушы компаниялар анықталды.

Жыл басынан бері қар мен мұзды уақытылы тазаламағаны үшін 1,5 млн. теңгеден астам соманы құрайтын 40 артық әкімшілік іс өндіріске алынды.

Рейд барысында жалпы пайдаланылатын орындарда, көшелердің жүріс бөліктерінде, тротуарларда, үйлердің жанында қарды тиісінше тазаламағаны үшін 8 ПИК пен 3 мердігерлік ұйымның басшысы әкімшілік жауапкершілікке тартылды.

Сонымен қатар, шағын және орта бизнес субъектілеріне қатысты әкімшілік шаралар қолданылуда. Үстіміздегі жылы 20 кәсіпкерлік субъектісіне 1 млн. теңгеден астам сомаға айыппұл салынды.

Жеке тұлғаларға қатысты да тиісті жұмыстар жүргізіліп жатыр. Жыл басынан бері абаттандыру ережелерін бұзғаны үшін жеке сектордың 42 тұрғыны әкімшілік жауапкершілікке тартылды. 

Еске салайық, абаттандыру саласындағы нормалар мен ережелерді бұзғаны үшін Қазақстан Республикасының "Әкімшілік құқық бұзушылықтар туралы" кодексінің 505-бабына сәйкес ескерту немесе айыппұл түрінде әкімшілік жауапкершілік қарастырылған: жеке тұлғаларға 20 АЕК мөлшерінде, шағын, орта және ірі кәсіпкерлік субъектілеріне - 30-дан 100 АЕК-ке дейін айыппұл салынады.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай