Қарағандыда дизель отыны таусылды - БАҚ

05 Қыркүйек 2014, 14:57
0
Қарағандыда дизель отыны таусылды - БАҚ - ©Ярослав Радловский
©Ярослав Радловский

Қарағандыдағы май құю бекеттерінде дизель отыны таусылды, - деп хабарлайды "Новый вестник". Басылымның мәліметінше, отынды талонмен де бермей жатыр.

"ҚазМұнайГаз" бен Helios бекеттері бұл жағдайға қатысты түсініктеме берген жоқ. Қазіргі уақытта дизель отынының қалған азғана бөлігі жеке шағын бекеттерде сатылып жатыр. Жағармай тапшылығының себептері белгісіз. Басылымның хабарлауынша, қалыптасқан ахуал жүк тасымалдаушыларға, шағын көлік мекемелері мен алыс жолға қатынаушыларға қолайсыздық туғызып отыр. Отынның артық қорын жинап алған автобус парктері әзірше бұрынғы режимде жұмыс істеп жатыр.

Еске сала кетейік, бұған дейін Қазақстанға Ресейден жанар-жағармайдың, соның ішінде, дизель отынының қосымша көлемі жеткізілетіні хабарланған еді. 2014 жылдың тамызында "ҚазМұнайГаз Өнімдері" ЖШС 34 мың тонна мұнай өнімін импорттау үшін ресейлік "Башнефть" және "ЛУКОЙЛ" компанияларымен келісімшартқа отырған. Оның 10 мың тоннасы - АИ-92, 5000 тоннасы - АИ-95, 19 мың тоннасы - дизель отыны. Мұнай өнімдерінің жеткізілетін мерзімі - тамыздың соңы мен қыркүйектің басы.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай