Қарағандылық шенеунік қоластындағы жұмысшыны ар-ұяттан безген деп тіл тигізген

04 Қазан 2016, 12:25
0
Қарағандылық шенеунік қоластындағы жұмысшыны ар-ұяттан безген деп тіл тигізген - Еркебұлан Ағымбаев. © karkultura.gov.kz
Еркебұлан Ағымбаев. © karkultura.gov.kz

Қарағандыда мәдениет басқармасының басшысы қоластындағы жұмысшыны ар-ұяттан безген және ақыл-есі ауысқан деп тіл тигізген. Шенеунік қызметтік этиканы сақтамағаны үшін тәртіптік жауапкершілікке тартылды, оған сөгіс жариялады, - деп хабарлайды Tengrinews.kz тілшісі.

Қарағанды облыстық тәртіп кеңесі мәдениет, мұрағат және құжаттама басқармасының басшысы Еркебұлан Ағымбаевқа қатысты тәртіптік істі қарады. Мемлекеттік қызметтің бақылау басқармасының бас маманы Марат Рақымжановтың мәліметінше, Ағымбаев қызметтік этиканы бұзған - шенеунік қол астындағы жұмысшы Сұңғат М.М-ді ар-ұяттан безген және ақыл-есі ауысқан деп тіл тигізген. Қызметтік тексеріс барысында қызметтік тәртіптің бұзылғаны өз дәлелін тапқан.

Кеңес мүшелері мемлекеттік қызметкердің бұл әрекетін тәртіпсіздік деп бағалады.

"Мәдениет басқармасының басшысы облыстағы ең мәдениетті адам болуы тиіс. Ол басқаларға үлгі болуы тиіс. Оған ескерту жариялауды ұсынамын", - деді тәртіп кеңесінің төрағасы Жандос Сәрсенов. Алайда басқа қатысушылар сөгіс жариялауға дауыс берді. Кінәлінің өзі жұмысының көптігін айтып, отырысқа қатысқан жоқ.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай