Кәрім Мәсімов Джон Керримен таңғы ас ішті

02 Қараша 2015, 11:53
0
Кәрім Мәсімов Джон Керримен таңғы ас ішті -

Қазақстанның премьер-министрі Кәрім Мәсімов АҚШ-тың мемлекеттік хатшысы Джон Керримен бірге таңғы ас ішті, - деп хабарлайды Tengrinews.kz тілшісі.

Бүгін Астанада Кәрім Мәсімов Қазақстанға ресми сапармен келген АҚШ-тың мемлекеттік хатшысы Джон Керримен кездесті, - деп хабарлады Primeminister.kz сайты. Олар Қазақстан-АҚШ серіктестігі мәселелерін талқылап, күн тәртібіндегі халықаралық өзекті мәселелер жөнінде пікір алмасты.

АҚШ Мемлекеттік департаментінің баспасөз қызметі

Мәсімов Керридің Қазақстанға сапары екі ел арасында берік әрі стратегиялық, соның ішінде сауда және инвестиция саласында ынтымақтастықты нығайтатынына сенім білдірді.

АҚШ Мемлекеттік департаментінің баспасөз қызметі

"АҚШ мемлекеттік хатшысы Джон Керри Қазақстанның премьер-министрі Кәрім Мәсімовпен 2015 жылдың 2 қарашасына белгіленген екіжақты кездесу алдында Астанадағы Rixos қонақ үйінде отыр", - деп жазылған АҚШ Мемлекеттік департаментінің Twitter желісіндегі парақшасында.

АҚШ Мемлекеттік департаменті баспасөз қызметінің мәліметінше, мемлекеттік хатшы Қазақстандағы АҚШ сауда палатасы мүшелерімен кездесті.

"АҚШ мемлекеттік хатшысы Джон Керри Қазақстандағы Америка Сауда Палатасының атқарушы директоры Дорис Брэдберимен және басқа да қызметкерлермен Қазақстан премьер-министрі Кәрім Мәсімовен таңғы ас ішу кезінде кездесті", - деп хабарланды.

АҚШ Мемлекеттік департаментінің баспасөз қызметі 

Еске сала кетейік, АҚШ-тың мемлекеттік хатшысы Джон Керри Орталық Азия бойынша ресми турне аясында Астанаға келген болатын. Джон Керри Қазақстанға Өзбекстаннан келді. Ол Өзбекстанда Орталық Азия елдерінің сыртқы саясат басқармаларының басшыларымен кездесті. Сонымен қатар, АҚШ мемлекеттік хатшысы Самарқандта Өзбекстан президенті Ислам Кәрімовпен келіссөздер жүргізді. Оған дейін Керри Бішкекте болды.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай