20 тамыз 2019 12:27

Қайыр Рыскелдинов қызметінен босатылды

ПОДЕЛИТЬСЯ

Қайыр Рыскелдинов ҚР ЭГТРМ Орман шаруашылығы және жануарлар дүниесі комитетінің төрағасы қызметінен босатылды, - деп хабарлайды Tengrinews.kz тілшісі премьер-министрдің баспасөз қызметіне сілтеме жасап.


Қайыр Рыскелдинов ҚР ЭГТРМ Орман шаруашылығы және жануарлар дүниесі комитетінің төрағасы қызметінен босатылды, - деп хабарлайды Tengrinews.kz тілшісі премьер-министрдің баспасөз қызметіне сілтеме жасап.

"ҚР экология, геология және табиғи ресурстар министрінің бұйрығымен Қайыр Өмірсадықұлы Рыскелдинов Орман шаруашылығы және жануарлар дүниесі комитетінің төрағасы қызметінен босатылды", - делінген премьер-министрдің сайтында.

Қайыр Өмірсадықұлы 1968 жылы 26 сәуірде дүниеге келген, қазақ, білімі жоғары. 1994 жылы Алматы зооветеринарлық институтын "мал дәрігері" мамандығы бойынша, 2008 жылы заңтану бакалавры мамандығы бойынша Фемида заң академиясын тәмамдаған. 

1986-1989 жылдар аралығында "Энергия"колхозында жұмысшы болып жұмыс істеді. 1989-1994 жылдары Алматы зооветеринарлық институтында мал дәрігері болды. 1994-1996 жылдары "Байторы" ӨК бас мал дәрігері.

1996-1998 жылдары Алматы облысы ІІБ-да қызмет атқарды. 1998-1999 жылдары Республикалық ветеринариялық зертханада жетекші маман болып жұмыс істеді. 1999-2001 жылдары "ветеринариялық зертхана" РМК директорының орынбасары. 2001-2003 жылдары "Орталық ветеринариялық зертхана" РМК Ақмола облыстық филиалының ветеринариялық зертханасының директоры қызметін атқарды.

2003-2004 жылдары Қазақстан Республикасы Ауыл шаруашылығы министрлігінің Зеренді аудандық аумақтық басқармасының бастығы. 2004-2007 жылдары Ақмола облысы Егіндікөл ауданы әкімінің орынбасары қызметін атқарды. 2007-2012 жылдары Ақмола облысы Шортанды ауданы әкімінің орынбасары қызметін атқарды.
2012-2018 жылдары Ақмола облысы Қорғалжын ауданының әкімі болды.

2018 жылы Қазақстан Республикасы Ауыл шаруашылығы министрлігі Орман шаруашылығы және жануарлар дүниесі комитетінің төрағасы қызметін атқарды. 

"Құрмет" ордені, "Қазақстан Конституциясына 20 жыл", "Қазақстан Республикасының тәуелсіздігіне 25 жыл" мерейтойлық медальдары бар.

Как вам дизайн сайта Tengri News?
Пройти опрос
Читайте также
Join Telegram

Валюта бағамы

 449.3   483   4.85 

 

Ауа райы

 

Редакция Жарнама
Социальные сети