"Қазақстан барысы" турнирінің жеңімпазы Бейбіт Ыстыбаев отау тікті

12 Наурыз 2014, 14:50
0
"Қазақстан барысы" турнирінің жеңімпазы Бейбіт Ыстыбаев отау тікті - Бейбіт Ыстыбаев фото Вaq.kz
Бейбіт Ыстыбаев фото Вaq.kz
"Қазақстан барысы-2012" турнирінің жеңімпазы Бейбіт Ыстыбаевтың үйлену тойы 23 наурызда өтеді деп хабарлайды Tengrinews.kz тілшісі "Қазақстан барысы" қазақ күресін дамыту қорының төрағасы Арман Шораевқа сілтеме жасап.

"Қазақстан барысы" турнирінің жеңімпазы Бейбіт Ыстыбаев бүгінің батыры. Оның былтырғы турнир барысында үшінші орын үшін белдесуге шықпай қойғаны үшін бапкері екеуіне уақытында сөгіс берілген еді. Дегенмен, оны кілемге шығармаған бапкері екендігін айта кеткім келеді", - деді Арман Шораев "Қазақстан барысы" турнирінің төртінші маусымының ашылуына орай өткен баспасөз мәслихатында.

Былтыр Жамбыл облысында өткен "Еуразия барысы" турнирінің финалдық кездесуінде аса ауыр салмақта 200 келіге жуықтайтын моңғол балуанын тараздық Бейбіт Ыстыбаев еш талассыз жеңген болатын. Осындай жетістігін атаусыз қалдырмаған қор төрағасы қуанышты жаңалықты жария етті.

"Бейбіт Ыстыбаев жақында отау тікті. Бұйырса оның үйлену тойы 23 наурыз күні Тараз қаласында өтеді", - деді ол.

  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай