1. Басты
  2. Біл
  3. Жаңалықтар
  4. Ел жаңалықтары

Қазақстан мен ЕО Украинадағы ахуалды реттеуге жәрдемдеседі09 қазан 2014, 20:08

Нұрсұлтан Назарбаев. ©Тұрар Қазанғапов Нұрсұлтан Назарбаев. ©Тұрар Қазанғапов

Украинадағы ахуал Қазақстан Президенті Нұрсұлтан Назарбаев пен Еуропалық комиссия жетекшісі Жозе Мануэл Баррозудың Бельгиядағы келіссөздерінде талқыланған тақырыптардың бірі болды. Кездесу барысында Мемлекет басшысы Қазақстан мен Еуроодақ Украинадағы ахуалды тұрақтандыруға жәрдемдесетінін айтты, - деп хабарлайды РИА Новости.

"Біз Баррозу мырзамен бірге аймақтық, еуропалық және біздің аймаққа қатысты мәселелердің ауқымды бөлігін талқыладық. Біз екеуімізді де Украинада болып жатқан оқиғалар алаңдатады, санкциялар ешкімге де, әсіресе, Еуропа тарапының экономикасына да, Қазақстан мен Ресейдің экономикасына да көмектеспейді. Біз Украинадағы ахуалды тұрақтандыруға жәрдемдесуге бел буып отырмыз, ол жанжалдасушы тараптардың, тұтас әлем экономикасының дамуына кедергі келтіретін санкцияларды біртіндеп алып тастауға негіз болады", - деді Назарбаев Еуропалық комиссия төрағасымен бірге журналистердің алдында сөйлеген сөзінде.

Баррозу Қазақстанның "Украина жөніндегі үйлестірілген ұстанымын" оң қабылдайтынын айтты. ЕК басшысы Украина тәуелсіздігін толық сақтай отырып, жанжалды бейбіт жолмен шешуге қолдау білдіретінін де мәлімдеді. 

Айта кетейік, қазіргі уақытта Қазақстан Президенті Бельгияда жұмыс сапарымен жүр, ол король Филиппен келіссөз жүргізді. Сапар қарсаңында Назарбаев Украинаның бұрынғы президенті Леонид Кучмамен кездесіп, Украинадағы ахуал жайлы талқылаған болатын. 


Елордада IT-кеңес құрылды