1. Басты
  2. Біл
  3. Жаңалықтар
  4. Ел жаңалықтары

Қазақстан мен Қытай жауынгерлік әзірлік саласында өзара іс-қимылды кеңейтеді 22 қараша 2014, 12:58

Екі елдің Құрлық әскерлерінің бас қолбасшылары әскери саладағы ынтымақтастықты әрі қарай дамыту мәселелерін талқылады.
ҚР ҚК Құрлық әскерлерінің бас қолбасшысы Мұрат Майкеев пен Қытай Халық-азаттық армиясы Құрлық әскерінің бас қолбасшысы Чжан Цзяньшэн. ©Ермек Сарбасов ҚР ҚК Құрлық әскерлерінің бас қолбасшысы Мұрат Майкеев пен Қытай Халық-азаттық армиясы Құрлық әскерінің бас қолбасшысы Чжан Цзяньшэн. ©Ермек Сарбасов

Қазақстан мен Қытай Халық Республикасы Қарулы Күштерінің Құрлық әскерлері жауынгерлік әзірлік саласында өзара іс-қимылды кеңейтетін болады, - деп хабарлайды Тengrinews.kz ҚР Қорғаныс министрлігінің баспасөз қызметіне сілтеме жасап.

Ведомствоның мәліметінше, Қазақстан Қарулы Күштері Құрлық әскерлерінің бас қолбасшысы генерал-лейтенант Мұрат Майкеев пен Қытай Халық-азаттық армиясы Құрлық әскерінің бас қолбасшысы генерал-майор Чжан Цзяньшэн әскери саладағы ынтымақтастықты әрі қарай дамыту мәселелерін талқылады.

Халықаралық әскери ынтымақтастық шеңберінде өткен кездесуде Мұрат Майкеев ҚХР Халық-азаттық армиясы делегациясының Қазақстанға сапары жауынгерлік әзірлік саласындағы қарым-қатынастарды кеңейту мен тәжірибе алмасу үшін маңызды екеніне тоқталды. Өз кезегінде генерал-майор Чжан Цзяньшэн ШЫҰ аясында өткізіліп келе жатқан оқу-жаттығулар барысында көрсетілген қазақстандық әскери қызметшілердің кәсіби деңгейінің жоғарылығын атап өтті.

Сонымен қатар кездесу барысында әскери кадрлар даярлау және әскери ғылым салаларындағы ынтымақтастықты дамыту мәселелеріне баса назар аударылды.