+7 (777) 001 44 99
ПОДЕЛИТЬСЯ
Қазақстан Қарулы Күштерінің Әскери-теңіз күштерінде жаңа жұмыс режимі енгізілді, енді әскерилер үшін бір айдағы екі жұма қысқа күн болып белгіленді, - деп хабарлайды Тengrinews.kz тілшісі ҚР Қорғаныс министрлігінің баспасөз қызметіне сілтеме жасап.
Қазақстан Қарулы Күштерінің Әскери-теңіз күштерінде жаңа жұмыс режимі енгізілді, енді әскерилер үшін бір айдағы екі жұма қысқа күн болып белгіленді, - деп хабарлайды Тengrinews.kz тілшісі ҚР Қорғаныс министрлігінің баспасөз қызметіне сілтеме жасап.
"2015 жылғы 1 қаңтардан бастап ҚР ҚК Әскери-теңіз күштерінің жеке құрамы үшін жұмыс аптасын ұйымдастырудың жаңа принципі енгізілді. Енді Әскери-теңіз күштерінде бір айда екі жұма күні қысқа жұмыс күні болып есептеледі", - делінген хабарламада.
"Отбасы күні" аталған бұл күндер америкалық әскерилердің тәжірибесінен алынды. Айына екі рет жұма күндері (әр айдың бірінші және үшінші жұмасы) әскери қызметшілер командирдің рұқсатымен жеке мәселелерін шешу үшін жұмыстан сағат 15.00-ден кейін кете алады.
Айта кету керек, Әскери-теңіз күштерінде 2014 жылдың 1 қаңтарына дейін алтыкүндік болып келген жұмыс аптасы былтыр бескүндікке ауыстырылған болатын.
