+7 (777) 001 44 99
ПОДЕЛИТЬСЯ
Қазақстанда баланы мектепке қабылдау ережелері өзгеретін болды, - деп хабарлайды YK-news.kz.
Қазақстанда баланы мектепке қабылдау ережелері өзгеретін болды, - деп хабарлайды YK-news.kz.
Порталдың мәліметінше, 2015 жылы білім беру жүйесінде бірқатар реформа қабылданды. Енді қазақстандық бүлдіршіндер алты жастан бастап мектеп оқушысы атанады.
"Білім бөлімінің мәліметінше, енді мектепке дейінгі даярлық сыныптары мини-орталықтардың жұмысын қайталайтын болады. Бұл реформаның ерекшелігі мынада, бұрын бес жасар баланы мини-орталықтарға қабылдап, алты жаста мектепке дейінгі даярлық сыныбына, ал бір жылдан кейін бірінші сыныпқа жіберілетін. Енді бұл жүйе түбегейлі өзгерді", - делінген жарияланымда.
Мамандардың сөзіне қарағанда, енді балалардың жасына, яғни күзде қанша жаста екеніне баса назар аударылатын болады.
"Егер баланың жасы бестен бес жарымға дейін болса, ол мини-орталыққа алынады. Ал бес жарымнан алты жасқа дейін болса мектепке дейінгі даярлық сыныбына жіберіледі. Жастары алтыға толғандар бірінші сыныпқа қабылданады", - деді Өскемен қалалық білім бөлімінің басшысы Мәдениет Ахметова.
Айта кетейік, мини-орталықтар мен мектепке дейінгі даярлық сыныптарының білім беру бағдарламалары ұқсас. Егер ата-аналар балаларының жасы алтыға келсе де, ғылымды игеруге дайын емесін айтса, бұл мәселені мектептегі психологтық-педагогикалық комиссия шешеді. Мамандар балаға расында да білім алу ерте ме, жоқ па екенін анықтайтын болады.
