Қазақстанда допинг үшін қылмыстық жауапкершілік қатаңдатылады

04 Тамыз 2017, 14:07
0
Қазақстанда допинг үшін қылмыстық жауапкершілік қатаңдатылады -

Қазақстанда допинг қолданған спортшыларды қылмыстық жауапкершілікке тарту туралы заң жобасы дайындалып жатыр, - деп хабарлайды Tengrinews.kz тілшісі. 

"Әлемдік аренада жоғары спорттық жетістіктерге жету үшін ҚР-ның допинг туралы заңына допинг қолданғану үшін қатаңдатылған қылмыстық және әкімшілік жауапкершілік енгізу қажет. Бірінші кезекте халықаралық допингке қарсы нормаларға сай болу үшн тыйым салынған дәрмектер мен бөлінетін субсидиялар үшін жауапкершілікті арттыру керек", - дейді Мәдениет және спорт министрлігінің жауапты хатшысы Қуатжан Уәлиев. 

Заң жобасы бойынша, допинг қолданған спортшы ұлттық құрама сапынан шеттетіледі. Сонымен бірге, ол үкімет тарапынан берілген барлық сыйақы, пәтер мен төлемдерді қайтару керек болады. 

"Допинг қолдану спортшының денсаулығына да зиян. Допинг қолдану дауға ұласып, Қазақстан спортының атына кір келтіреді. Допинг қолданғандардың 90 пайызы ұлттық құрама мүшелері екенін атап өту керек. Яғни оларды жаттықтыруға мемлекет үлкен қаржы және адам ресурстарын жұмсайды. Ал допинге қарсы әлемдік тәжірибе онымен күрес мәмілесіз екенін көрсетіп отыр", - деп аяқтады ол. 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай