Қазақстанда күнбағыс майы қаншалықты қымбаттады?

12 Наурыз, 12:05
0
Қазақстанда күнбағыс майы қаншалықты қымбаттады? - © kolosok.info
© kolosok.info

Қазақстан дүкендері мен базарларында күнбағыс майының бағасы бір жылда 8,1 пайызға (бір литр - 432,8 теңге) өсті, - деп хабарлайды Energyprom.kz.

2018 жылы қаңтарда тазартылмаған күнбағыс майының өндірісі жылына 10,8 пайызға, 12,8 мың тоннаға дейін өсті. Тазартылған май өндірісі, керісінше, 29,5 пайызға, 7,3 мың тоннаға дейін қысқарды.

Күнбағыс майын өндірудің негізгі үлесі ШҚО - ға тиесілі: ҚР бойынша тазартылмаған барлық өнімнің 82,4 пайызы (жылына 10,5 мың тонна, +11,8 пайыз) және тазартылған өнімнің 71,5 пайызы (жылына 5,2 мың тонна, -21,7 пайыз).

2018 жылы күнбағыс майын экспорттау жылына 35,1 пайызға өсіп, 61,8 мың тоннаға дейін артты. Сонымен қатар, майды пайдаланудың жалпы көлемінен экспорт үлесі бір жылда 13,2 пайыздан 17,3 пайызға дейін артты.

Ішкі нарықта майды сатуға келер болсақ, 2018 жылдың қорытындысы бойынша көлемдер 2 пайызға қысқарды. 2019 жылдың наурызына дейін Қазақстанның дүкендері мен базарындағы күнбағыс майының бағасы бір жыл ішінде 8,1 пайызға, бір литрі үшін 432,8 теңгеге дейін өсті.

Ақтау тұрғындары осы өнімді алу үшін айтарлықтай шығындалады - бір литрі 490 теңге (+жылына 7,5 пайыз), Астана - литрі үшін 476 теңге (+жылына 7,2 пайыз) және Атырау - литрі үшін 446 теңге (+жылына 4,9 пайыз). Қарағандыда майдың ең төменгі бағасы: бір литр үшін 380 теңге (+жылына 14,5 пайыз).

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай