Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.80
EUR / KZT - 390.57
CNY / KZT - 49.88
RUB / KZT - 5.60

Қазақстанда таяу күндері қарлы-боранды ауа райы болады

18 Қараша 2014, 21:00
0
©Ярослав Радловский
©Ярослав Радловский

18-20 қараша аралығында Қазақстанда қарлы және тұманды ауа райы болады. Бұл туралы Tengrinews.kz "Қазгидромет" республикалық мемлекеттік қазыналық кәсіпорнына сілтеме жасай отырып хабарлайды.

Синоптиктердің мәліметінше, Қазақстанның солтүстік аймақтарында қазір қысқы ауа райы қалыптаса бастаған. Бұл аймақтарда күн суытып, суық ауа қалыптасып, температура деңгейі төмендеген.

"Таяу үш күндікте солтүстік, орталық, шығыс аймақтарда қар жауып, боран соғуы мүмкін. Солтүстік-батыстан соғатын желдің жылдамдығы секундына 15-20 метрге жетіп, төменгі температура түнде 13-23 градусқа дейін жетеді. Ал күндіз 5-10 градустық аяз болады" - делінген "Қазгидромет" хабарламасында.

Сондай-ақ оңтүстік, оңтүстік-шығыс аймақтарда да көктайғақ болып, тұман түседі және қар жауып, боран соғады. Синоптиктер "бұл облыстарда түнде 0-8 градус, ал күндіз +2 және -5 градус суық болады", - деп жорамалдады.

"Батыс аймақтарда циклондық құбылыстар болатындықтан мұнда да күн суытады. Бұл аймақтарда түнде 8-18, ал күндіз 2-10 градус аяз болады", - дейді мамандар. 

Ауа райын болжаушылардың айтуынша, биыл Қазақстанда қыс өткен жылғыдан қаттырақ болады. Аязды күндердің арты қарға ұласады. Мамандардың айтуына қарағанда, қарашаның бастапқы екі аптасы жылы, жауын-шашынды өткенімен, айдың келесі екі аптасында күн  суытады.


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай