Қазақстанда зардап шеккендерге өтемақы төлеу қоры құрылады

19 Қазан 2016, 12:07
0
Қазақстанда зардап шеккендерге өтемақы төлеу қоры құрылады - © Тұрар Қазанғапов
© Тұрар Қазанғапов

Парламент Мәжілісінің депутаттары қаржы министрі Бақыт Сұлтанов ұсынған  "Зардап шегушілерге өтемақы төлеу қоры туралы" заң жобасын бірінші оқылымда мақұлдады, деп хабарлайды Tengrinews.kz тілшісі.

Заң жобасы қылмыстық құқықбұзушылықтан зардап шеккендердің бөлек категориясына өтемақы төлеудің құықықтық негіздерін анықтайды.

"Құқық қорғау органдары сәйкес шаралар жүргізіп жатқан уақытта зардап шегушіге минималды демеу болатын өтемақы көлемі анықталып жатыр. Аталған өтемақы кейін кінәлі тұлғадан прокуратура органдары арқылы өнідіріледі", - деді министр.

Заң жобасына сәйкес, зардап шегушіге келтірілген зиянды айыпты тұлғаның ары қарайғы өтемақы төлеуі сот тәртібі бойынша жүргізіледі, сонымен қатар іс жүзіндегі тәртіп те өзгермейді. Өтемақы төлеумен Зардап шегушілерге өтемақы төлеу қоры айналысады. Оны құру іс жүзіндегі Қылмыстық-процесуалды кодекспен қарастырылған. Қор жұмысының механизмі қазынадағы бақылау есебі арқылы іске асырылады. Қордың заңды тұлғасы, басқару органы да, әкімшілік шығындары да болмайды. Төлемдермен қаржы мекемесі қолданыстағы жүйе арқылы жүргізеді.

"Қорға 4 жерден қаржы құйылады: сот салған тіркелген төлемдер; процессуалдық міндеттерді орындамауға салынған төлемдер; тұзеу жұмыстары бойынша түсетін қаржы; айыпты тұлғадан өтемақыны регрессивті түрде қайтару", - деді ведомство басшысы.

Зардап шегушілердің үш категорясы анықталды: кәмелетке толмағандар, сексуалды сипаттағы қылмыстан зардап шеккендер, адам саудасы және 8 бап бойынша адамды қинаудан зәбір көргендер. Екінші категория - денсаулығына ауыр зиян келгендер немесе АИТБ/ЖИТС жұқтырғандар, 19 бап бойынша. Үшіншісі - қылмыстан көз жұмғандардың мұрагерлері, 35 бап бойынша. Өтемақы көлемі заң жобасында анықталған.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай