Қазақстандық барлаушылар халықаралық жарыстарда үздік атанды

07 Шілде 2015, 11:16
0
Қазақстандық барлаушылар халықаралық жарыстарда үздік атанды - ©ҚР Қорғаныс министрлігінің баспасөз қызметі
©ҚР Қорғаныс министрлігінің баспасөз қызметі
Қазақстандық барлаушылар халықаралық жарыстарда үздік атанды - ©ҚР Қорғаныс министрлігінің баспасөз қызметі
©ҚР Қорғаныс министрлігінің баспасөз қызметі
Қазақстандық барлаушылар халықаралық жарыстарда үздік атанды - ©ҚР Қорғаныс министрлігінің баспасөз қызметі
©ҚР Қорғаныс министрлігінің баспасөз қызметі
Қазақстандық барлаушылар халықаралық жарыстарда үздік атанды - ©ҚР Қорғаныс министрлігінің баспасөз қызметі
©ҚР Қорғаныс министрлігінің баспасөз қызметі
Қазақстандық барлаушылар халықаралық жарыстарда үздік атанды - ©ҚР Қорғаныс министрлігінің баспасөз қызметі
©ҚР Қорғаныс министрлігінің баспасөз қызметі

Қазақстандық барлаушылар Қарағанды облысындағы "Спасск" оқу-жаттығу орталығында "Алтын үкі - 2015" арнайы мақсаттағы барлау топтарының сегізінші халықаралық жарысында үздік атанды, - деп хабарлайды Tengrinews.kz тілшісі ҚР Қорғаныс министрлігінің баспасөз қызметіне сілтеме жасап. Беларусь, Қытай, Ресей, Америка Құрама Штаттары және Қазақстан елдерінен келген барлаушылар бес күн бойы арнайы мақсаттағы таңдаулы бөлімшелердің іс-қимыл машықтарын көрсетті.

Қатысушылар ондаған шақырым жерден өту, күндізгі және түнгі уақытта ауыса отырып қолайсыз жағдайда түрлі нысаналарды ату, медициналық және тау даярлығы, кедергі сызықтарын игеру, 30 шақырымға шеру жасау, шым-шытырық қиылысқан жерлерді бағдарлау, жасанды қопарғыш мина ісі және басқа да арнайы іс-шараларды орындады.

Айта кетейік, қажырлы және қызу күресте қатысушылар өздерінің әлсіз және пәрменді тұстарын айқындап қана қоймай, сонымен қоса арнайы операцияларды, арнайы мақсаттағы барлау топтарының жауынгерлік әдістемелік даярлығын жүргізуде тәжірибе алмасып, достар тапты. "Менің ойымша біздің топ ең тәжірибелі топ. Олар тұтастай Таяу Шығыстағы және Ауғанстандағы операцияларға қатысты. Біз үшін ең күрделісі тактика болатын. Даярлық бізде мүлде басқаша екен. Дегенмен сайыс мақсаты тәжірибе алмасу болып отыр. Сондықтан да біз бұл жерде көп достар таптық," - деп атап өтті АҚШ "Жасыл береттер" тобындағы жауынгерлерінің бірі Майкл Браун. 

Сайыстың қорытындысы бойынша Қорғаныс министрлігінің басшылығы жеңімпаздарға жүлделер мен сыйлықтар табыс етті. "Алтын үкі - 2015" сайысының алтын кубогын Қазақстандық арнайы мақсаттағы бөлімшелер жеңіп алды, күміс жүлде - Күн асты елінің жауынгерлеріне бұйырды. Сонымен қатар қытайлық әскери қызметшілер "Үздік мерген жұп" номинациясы бойынша жеңіске жетті. Үшінші орынды екі топ иеленді, олар - Ресей Федерациясы мен Беларусь Республикасының десантшылары. "Жеңіске деген жігері үшін" грамотасымен жаралы аяғымен соқпақ жолдан өткен белорус әскери қызметшісі наградталды. Ал американдық "Жасыл береттер" тобы "Үздік қопарғыштар" номинациясын жеңіп алып, топ бойынша "Жеңіске деген жігерлігі үшін" грамотасын иеленді.

Қатысушылардың көзқарасы бойынша жарыс айтарлықтай күрделі болды. Әр кезең шыдамдылықтың, күштің, топпен сапалы жұмыс жасаудың жоғары деңгейін және әр қатысушының бабындағы даярлығын талап етті. Әр команда үшін ауа-райыерекше маңызды саналды. Қапырық күн және құрғақ климат тіпті ең тәжірибелі және мықты деген арнайы мақсаттағылардың жоспарына бірнеше мәрте кедергі болды.

 

  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай