1. Басты
  2. Біл
  3. Жаңалықтар
  4. Ел жаңалықтары

Қазақстандық делегация ҚР Президентінің тапсырмасы бойынша Эр-Риядқа барды

© mgov.kz © mgov.kz

Мемлекет басшысының тапсырмасы бойынша Үкіметтік делегация ҚР Премьер-Министрінің орынбасары - ҚР Ауыл шаруашылығы министрі А. Мырзахметовтың жетекшілігімен Сауд Арабиясының Үкіметі және ауыл шаруашылығы компаниялары өкілдерімен бірқатар кездесулер өткізді, деп хабарлайды Тengrinews.kz тілшісі ҚР АШМ баспасөз қызметіне сілтеме жасап.

Сауд Арабиясы Қоршаған орта, су және ауыл шаруашылығы министрі Әбдельрахман әл-Фадли, Инвестиция және сауда министрі Мәджид Әл Кәсәби және Қоғамдық инвестициялық қоры басшылығымен кездесулері болып өтті.

Іс-шараға қатысушылар үстіміздегі жылдың қазан айының соңында Қазақстан Республикасы Президенті Н.Назарбаевтың Сауд Арабиясына ресми жұмыс сапарын даярлау аясында ҚР және СА арасындағы сауда экономикалық және инвестициялық ынтымақтастықты кеңейту мәселелерін талқылады.