Қазақстандық депутаттар каникулға шықты

30 Маусым 2016, 10:42
0
Қазақстандық депутаттар каникулға шықты - © Тұрар Қазанғапов
© Тұрар Қазанғапов

Парламенттің VI шақырылымының бірінші сессиясы аяқталды, - деп хабарлайды Tengrinews.kz тілшісі. Қазақстандық депутаттар каникулға шықты. 

Палаталардың біріккен отырысын Мәжіліс спикері Нұрлан Нығматулин ашты. Біріккен отырысқа премьер-министр Кәрім Мәсімов қатысты.

Мәжіліс спикерінің айтуынша, бірінші сессия 100 күнге жалғасты, бұл әдеттегі парламент сессиясының мерзімінен үштен бір бөлігіне көп. 

"Осы мерзімде біздің елімізде маңызды шешімі қабылдануы тиіс көптеген маңызды оқиға болды, олардың шешімі Мемлекет басшысының көреген екенін көрсетіп берді, ол әрқашан халықпен бірге болып, батыл шешімдер қабылдай білді. Бұған Президентіміздің бірінші кезекте қазақстандықтардың қалауына ерекше назар аударып, Жер кодексіне енгізілген өзгерістерге мораторий жариялауы жарқын дәлел. Осының қорытындысында Ұлт көшбасшысына деген сенім нығайып, халықтың бірлігі қуатты бола түсті", - деп мәлімдеді Нығматулин.

Бірінші сессияда жалпы Палаталардың біріккен 3 отырысы, Мәжілістің 12 жалпы отырысы, Сенаттың алты жалпы отырысы, тұрақты Комитеттердің 170 отырысы, екі палатада да заң жобалары бойынша жұмыс тобының 186 отырысы өтті.

Нығматулиннің айтуынша, осы кезеңде Парламентте 42 заң жобасы қаралды, олардың 18-і өткен шақырылымнан өткен, 24-і сессия кезінде түскендер. Жеті заң жобасының бастамашылары - депутаттар.

Сессия соңында Мәжіліс Сенатқа 13 заң жобасын жолдап, Парламент 12 заң қабылдады.

Парламент қабылдаған заңдардың бүгінде 4-еуіне Қазақстан Республикасының Президенті қол қойып, заңды күшіне енді.

Нығматулин күзде азаматтардың және ұлттың қауіпсіздігін қуатты ете түсуне бағытталған заңдардың қабылданатынын атап өтті. Келесі сессияның басында үкімет Парламентке қажетті заң жобаларын енгізуі күтіліп отыр. 

"Осы кезеңде бір тұңғыш рет ел қауіпсіздігіне күтпеген ірі сынақтармен, радикал жалған діни ағымдардың ұстанушыларының террористік шабуылына тап болдық, бұ оқиға маусым айының басында Ақтөбеде болды, өкінішімізге қарай, бұл көп адамның қаза болуы мен зардап шегуіне әкеп соқты. Бүкіл ел аяусыз терактіні сөгіп, қаза болғандар мен зардап шеккендердің қайғысына ортақтасты. (...) Біз үкіметпен ұлттық қауіпсіздікті қамтамасыз ету және бейбіт өмір мен халықтың тыныштығын қорғауға арналған бардық қажетті шараны ұйымдастыруға тиімді әрі үйлесімді жұмыс істеуге дайынбыз", - деді Нығматулин.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай