Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.80
EUR / KZT - 390.57
CNY / KZT - 49.88
RUB / KZT - 5.60

Қазақстандық ғалымдар Калачи ауылындағы "ұйқышылдық ауруының" себебін тапты

24 Мамыр 2015, 17:19
0

Қазақстандық ғалымдар Калачи ауылындағы "ұйқышылдық ауруының" себебін табуға жақын қалды, - деп хабарлайды РИА Новости Қазақстанның Ұлттық ядро орталығының радиоэкология жөніндегі бас директорының орынбасары Сергей Лукашенкоға сілтеме жасап.

Оның пікірінше, "ұйқышылдық ауруына" ауадағы тұншықтырғыш газ бен көмірқышқыл газының үйлесіміндегі оттегінің аз болуынан шалдығады. Агенттіктің хабарлауынша, ғалымдар таяу күндері Калачи ауылының 12 су қоймасынан алған жер асты ауасы мен суының, жер қыртысының қорытындысын қолға түсірді. Бұдан кейін мамандар "ұйқылы ауыл" құбылысының себебін тапты, ендігіде Лукашенконың айтуынша, бұл болжамды алдағы зерттеулерде тексеру керек. "Калачи ауылынан алған сынақта CO уландырғыш газы мен СН көмірқышқыл газының құрамы көп екендігін анықтадық. "Ұйқышылдық ауруының" себебін былай түсіндірер едім: құрамында оттегінің аз мөлшері мен иіс газының және көмірқышқыл газының көп мөлшерде қалыптасқан ауаны жиі жұтудан", - дейді Қазақстанның Ұлттық ядро орталығының радиоэкология жөніндегі бас директорының орынбасары Сергей Лукашенко

Оның айтуынша бұл ауруға нақтылы бір фактордың емес, үш фактордың қосындысы: оттегі мөлшерінің аздығы, CO және СН құрамының көп болуы себеп. Мәселен, қорытындылар бойынша, иіс газының мөлшері рұқсат етілген көрсеткіштен жоғары. Көмірқышқышқыл газы орта деңгейде, ал оттегі өте аз.  

"Бұл құрамдас бөліктердің әрқайсысы қалыпты нормадан асып тұр - сондықтан олардың әрқайсысы жекелей түрде ауруға себеп бола алмаған еді, сондықтан да "ұйқышылдық ауруының" себебі көп уақыт бойы табылмай келді. Ал осы үш бөліктің бірігуі нәтижесінде синергетикалық эффект болады. Олар бір-бірін күшейткенде ғана "ұйқышылдық ауруын" шақырады", - дейді ғалым. 

Айта кетейік, "ұйқышылдық ауруының" белгілері бар науқастар ең бірінші Красногор дәрігерлік амбулаториясына жеткізілді. Жергілікті медицина қызметкерлері Tengrinews.kz тілшілеріне берген сұхбаттарында болып жатқан жайттарға қарап, өздерінің де ауылдан көшіп кетуі мүмкін екенін мойындады. Медициналық қызметкерлер өз денсаулықтары үшін алаңдап, ұйықтап қалмау үшін белсендірілген көмір мен дәрумендерді өте көп мөлшерде ішіп жатқанын айтты.

Tengrinews.kz бұған дейін Калачи тұрғындарының прокуратураға арыз жазғаны туралы хабарлаған болатын. Олардың басым бөлігі облыс басшылығының ұйымдастырып отырған халықты көшіру жұмыстарын негізсіз деп есептейді. Калачиден 16 отбасы көшірілді. Ал қалғандары ұсынылып отырған жағдаймен келіспеді, айта кетейік, көшіру басталғанға дейін 219 отбасы немесе 532 тұрғын есепке алынған болатын.


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай