Қазақстандық кеншілер қайғылы жағдайлардан сақтандырылмаған

21 Қараша 2014, 18:33
0
Қазақстандық кеншілер қайғылы жағдайлардан сақтандырылмаған - Фото ©REUTERS
Фото ©REUTERS

Қазақстандағы тау-кен, металлургия саласында жұмыс істейтін кеншілердің басым көпшілігі қайғылы жағдайлардан сақтандырылмаған, - деп хабарлайды Тengrinews.kz тілшісі ҚР Кәсіподақ Федерациясы төрағасының орынбасары Қайрат Амандықовқа сілтеме жасап.

"Қазақстанда бүгінге дейін өндіріс орындарында қайғылы оқиға бола қалған жағдайда ондағы жұмысшыларды міндетті сақтандыру мәселесі шешімін таппай келеді. Заңда өндіріс орындарында жұмыс істейтіндердің барлығы міндетті сақтандырылуы тиіс деп көрсетілгенімен, жұмыс берушілердің тек 40 пайызы ғана өздерінің жұмысшыларын сақтандырған", - деді ол Қазақстан тау-кен, металлургия өндірісінің V съезінде.

Ол сондай-ақ, аймақтардағы кеншілердің де құқығы бұзылғандығын мәлім етті. "Жасыратыны жоқ аймақтарда жергілікті билік пен компания басшылары арасында екіжақты меморандумдарға қол қойылып, оның негізінде компаниялар жергілікті әлеуметтік жобаларға қомақты қаржы бөлуге міндеттеледі. Ал мұндай келісімдер компания мүддесіне сай келмейтінін айтпағанда, еңбек кодексіне де қайшы", - деді ол.

"Компаниялардың барлығы бірдей болмайтыны белгілі және біз бизнестің әлеуметтік жауапкершілігі жөніндегі мемлекеттік саясатты да қолдаймыз. Бұл мәселеде кәсіподақ жұмыс берушілер жағында екенін де ескертеміз. Мұндай тақырыпта келісімге келмес бұрын үшінші жақты, яғни кәсіподақты да қатыстырған абзал", - деп толықтырды ол өз сөзін.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай