08 ақпан 2023 09:20

Бекерге кезек күттік - қазақстандықтар жеңілдетілген автонесие туралы

Гүлнара Досымшалова Корреспондент

ПОДЕЛИТЬСЯ

Қазақстандықтар жеңілдетілген автонесие бағдарламасы бойынша көлік сатып алу үшін автосалондарда кезек күтіп, бірнеше ай босқа кеткеніне шағымданып жатыр, - деп хабарлайды Tengrinews.kz тілшісі.


Қазақстандықтар жеңілдетілген автонесие бағдарламасы бойынша көлік сатып алу үшін автосалондарда кезек күтіп, бірнеше ай босқа кеткеніне шағымданып жатыр, - деп хабарлайды Tengrinews.kz тілшісі.

Олардың айтуынша, бұрын автосалондарға барып, белгілі бір көлік үлгісін алу үшін кезекке тұрған. Ал кейбіреулері тіпті бір жыл бұрын кезекке тұрып қойған. Кейбіреулердің кезегі жетіп қалған, бірақ 6 ақпанда іске қосылған autonesie.kz платформасы оларды жеңілдетілген шартпен көлік сатып алу мүмкіндігінен айырды.

"Мен бір жыл бұрын кезекке тұру үшін автосалонға бардым. Желтоқсанның аяғында кезегім келді, маған автосалоннан қоңырау шалды. Мен қуанып, сол жерге бардым, менеджермен бірге көлік таңдадым. Төлем үшін шот-фактура алып, қаржыландыруды күттім. Бірақ кейін оның бәрі бекер болып шықты, өйткені қаржыландыруды алу үшін қазір autonesie.kz сайтына өтініш беруіңіз керек. Мен екі рет өтініш толтыруға тырыстым, бәрін толтырдым, бірақ порталда ақау шығып, көлік өндірушісін таңдауға рұқсат берілмеді.

Үкімет бізді алдап кеткені өкінішті. Өйткені көлігімді саттым, ақшаны бастапқы жарнаға жұмсағым келді. Бірақ ақыры алдандым. Ал "халық қызметшілері", яғни шенеуніктер немесе өте ауқатты адамдар бұл көліктерді жеңілдетілген автонесиемен алатынына таңғалмаймын. Бірақ бағдарлама орташа табысы бар адамдар үшін арнайы жасалған. Өкінішті", - деп жазды оқырмандардың бірі.

Елорда тұрғыны Жолымбет Мейрамбеков те осыдан бірнеше ай бұрын, дәлірек айтсақ, былтыр мамырда кезекке тұрған. Ол кезекте шамамен 600-ші болған. Күзде ер адам бұл тізімді тексеріп, 213-орынға келгенін білген.

"Кейін автосалон басшылары желі баяу жүріп жатқанын айтты, себебі жеңілдетілген автонесиелерді қаржыландыру тоқтап қалды. Мен қайта басталуын күтіп жүр едім, бірақ 6 ақпанда өтініш берушілер пулына түсе алмадым. Ал қазір жеңілдетілген автонесие мүмкіндігін қалай пайдалану керегін мүлде білмеймін.

761 үміткерден тұратын бұл 18 секундтық тізімге алдымен автосалондардағы бар кезекті қосып, содан кейін ғана қалған тілек білдірушілерге сол жерге тіркелуге мүмкіндік беру керек деп есептеймін. Бұл - әділетсіздік. Біз өз кезегімізде тізімде 213-орында болдық және қазір заңды түрде көлік иесі атана алар едік. Бірақ үкімет қазіргі тізімге қолын сілтеді. Бұл ұят, ойланбаған және әділетсіз", - деді ол.

Тағы бір қазақстандық жеңілдетілген автонесие бағдарламасы бойынша алты ай бойы көлік күтіп жүргенін айтты. Ақпанның басында оған автосалоннан телефон соғып, көліктің жеткізілгенін айтқан.

"Осыдан кейін мен төлемге шот алдым. Банкке барып, өтініш бердім, қазір банктен алдын ала мақұлдау алдым. Бірақ 6 ақпанда осы autonesie.kz сайты арқылы өтініш беріп үлгермедім. Енді не істеуім керек? Қаржыландыруды күтуім керек пе? Бұл жағдайда шешім бар ма?" - дейді өтініш беруші.

Өнеркәсіпті дамыту қоры автосалондардағы кезектің жеңілдетілген автонесие ақшасына еш қатысы жоқ деп түсіндірді. Бағдарламаға қатысу үшін autonesie.kz сайтында рұқсат алу қажет. Осыдан кейін ғана автосалонға барып, көліктің бар-жоғын тексеріп, содан кейін ғана рәсімдей аласыз.

"Біздің бағдарлама бойынша барлық жеңілдігі бар автокөлік тек autonesie.kz сайтында тіркелгендерге беріледі. Яғни, егер қазір тіркелмеген болсаңыз және пулдың мүшесі болмасаңыз, онда жеңілдетілген бағдарлама бойынша автокөлік несиесі ала алмайсыз. Бірақ төлемге шот-фактура қолыңызда болса, Қазақстанның Даму банкі арқылы жеңілдетілген автонесие алу мүмкіндігіңіз болады", - деп түсіндірді Өнеркәсіпті дамыту қорының басқарма төрағасының орынбасары Ринат Ғаппаров.

Анықтама: Қазақстанда жеңілдетілген автонесие бағдарламасы екі рет - 2015 және 2022 жылдары іске қосылды. Оның операторы болып алғаш рет Қазақстанның Даму банкі тағайындалды. Ал екіншісінде - Өнеркәсіпті дамыту қоры.

Өнеркәсіпті дамыту қоры арқылы қаржыландыруды алу үшін қазақстандықтар autonesie.kz сайтында айына бір рет өтініш беріп, пулға кіруге тырысуы керек. Сәтті болған жағдайда, өтініш беруші жеңілдетілген шарттармен автокөлік сатып ала алады.

ҚДБ арқылы қаржыландыруға келетін болсақ, бұл жерде Өнеркәсіпті дамыту қорындағы жүйе әлі енгізілген жоқ. Қалағандар автосалонға барып, көліктің қолда бар жабдықтарын таңдап, оған шот-фактура алып, банктерден ҚДБ-дан ақша бар-жоғын сұрай алады.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Читайте также
Join Telegram

Валюта бағамы

 446.77   483   4.85 

 

Ауа райы

 

Редакция Жарнама
Социальные сети