+7 (777) 001 44 99
ПОДЕЛИТЬСЯ
Қазақстанның барлық өңірінде дауылды ескерту жарияланды, - деп хабарлайды Tengrinews.kz тілшісі "Қазгидромет" орталығына сілтеме жасап.
Қазақстанның барлық өңірінде дауылды ескерту жарияланды, - деп хабарлайды Tengrinews.kz тілшісі "Қазгидромет" орталығына сілтеме жасап.
Синоптиктердің мәліметінше, 19 наурызда күндіз Ақмола облысында жауын-шашын (қар, жаңбыр), көктайғақ, бұрқасын күтіледі. Оңтүстік-батыстан соққан жел солтүстік-батысқа ауысады, түнде кей жерлерде желдің күші секундына 15-20, күндіз басым бөлігінде 15-20, екпіні 23-28 метр болады.
Астанада 19 наурызда күндіз және таңертең жауын-шашын (қар, жаңбыр), көктайғақ, бұрқасын күтіледі. Оңтүстік-батыстан соққан жел солтүстік-батысқа ауысады, күндіз және таңертең желдің жылдамдығы секундына 15-20, екпіні 25 метр болуы ықтимал.
Сонымен қатар, 19-21 наурызда Батыс Қазақстан, Атырау, Ақтөбе облыстарында жауын-шашын (көбіне жаңбыр) мен ауа температурасының жоғарылауына байланысты қар еріп, су деңгейінің көтерілуі мен аудандарға судың жайылып шығу қаупі бар.
19-20 наурызда Қарағанды, Ақмола, Солтүстік Қазақстан, Қостанай, Павлодар, Қызылорда облыстарында да жауын-шашын (көбіне жаңбыр) мен ауа температурасының көтерілуіне байланысты қар еріп, су деңгейінің көтерілуі мен аудандарға судың жайылып шығу қаупі бар.
19-21 наурызда Шығыс Қазақстан облысында күндізгі ауа температурасының біртіндеп жылынуы мен жауын-шашынның түсуіне байланысты (көбіне жаңбыр), мұздық құбылыстардың әлсіреуі, өзен арналарының қысылуы, жергілікті және баурайлы ағынның қалыптасуы мен су деңгейінің көтерілуі және аудандарға жайылма су шығуы мүмкін.
19-21 наурызда Оңтүстік-Қазақстан, Қызылорда облыстарында құбылмалы ауа райының сақталуы мен 19 наурызда жауын-шашынның күтілуіне байланысты (көбіне жаңбыр), су деңгейінің көтерілуі және жайылмалық аудандарға су шығу үрдістері жүруі мүмкін.
19-21 наурызда Алматы, Жамбыл облыстарында жауын-шашын күтілуіне байланысты (кей жерлерде) су деңгейінің көтерілуі күтіледі.
