1. Басты
  2. Біл
  3. Жаңалықтар
  4. Ел жаңалықтары

Қазақстанның бірнеше аймақтарында тұман және желдің күшеюі күтілуде02 наурыз 2014, 11:08

Сурет: ©РИА Новости Сурет: ©РИА Новости
2 наурыз, яғни жексенбі күні Қазақстанның бірнеше аймақтарында тұман және желдің күшеюі күтілуде, деп хабарлайды Tengrinews.kz ҚР ТЖМ сілтеме жасап. "Қазгидромет РМК мәліметі бойынша, 2 наурыз күні Қазақстанның солтүстік-шығыс аймақтарында күн суытады. Бұл аймақтарда қар жауып, жел күшейіп, боран және тұман болады деп күтілуде. Ал, оңтүстік-батыс аймақтарда ауа-райы жауын-шашынсыз болады", - делінген мекеменің ресми сайтында. Ақмола, Жамбыл, Маңғыстау, Атырауда түнде, Оңтүстік Қазақстан, Солтүстік Қазақстан, Қостанай, Павлодар облыстарында таңертең тұман болады. Алматы облысында да тұман күтілуде, Жалаңашкөл ауданында желдің жылдамдығы 15-20 метр секундқа дейін күшеюі мүмкін. Қызылорда облысында, Шығыс Қазақстан аймақтарында желдің жылдамдығы түнде 15-20 метр секундына дейін болады. Сондай-ақ Шығыс Қазақстанда боран да болуы мүмкін.