Қазақстанның бірнеше облысында көлік қозғалысына шектеу қойылды

03 Қаңтар 2016, 14:09
0
Қазақстанның бірнеше облысында көлік қозғалысына шектеу қойылды - © РИА Новости
© РИА Новости

Қазақстанның бірнеше облысында көлік қозғалысына шектеу енгізілді, - деп хабарлайды Tengrinews.kz тілшісі ҚР ІІМ ТЖК баспасөз қызметіне сілтеме жасап.

Ведомствоның мәліметінше, ауа райының қолайсыздығына байланысты (аяз, көрудің нашарлауы) Ақмола облысындағы республикалық маңызы бар трассаларда автомобильдің барлық түрі үшін жол қозғалысына шектеу қойылды: Жезқазған-Петропавл (377-595 шақырым, Державинск ауылы-Есіл қаласы); Жақсы-Есіл-Бузулук (0-82 шақырым); Қостанай-Әулиекөл-Сұрған (232-260 шақырым); Екатеринбург-Алматы (917-1128 шақырым, Жақсы ауылы-Астрахан ауылы); Екатеринбург-Алматы (856-940 шақырым, Жақсы ауылынан Чистополье ауылына дейін).

Осыған ұқсас шектеу Ақтөбе облысының тас жолдарында барлық бағытта енгізілді. Қостанай облысында да автокөліктің барлық түрі үшін жол қозғалысы шектелді: Қарабұтақ-Денисовка (231-385шақырым, Ақтөбе облысы шекарасынан Денисовка ауылына дейін). Сонымен қатар, облыстық маңызы бар Жітіқара-Қамысты-Ливановка (0-73 шақырым) трассасында да көлік қозғалысы шектелді.

Қызылорда облысында қар мен боранға байланысты республикалық маңызы бар Самара-Шымкент тас жолында (1240-1356 шақырым, Арал қаласынан Ақтөбе облысының шекарасына дейін) автокөліктің барлық түрінің қозғалысына шектеу қойылды.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай