Қазақстанның тағы бір қаласында нан қымбаттады

23 Ақпан, 09:26
0
© 24.kz
© 24.kz

Астықты аймақта тағы да нан қымбаттады, деп хабарлайды "Хабар 24" тілшісі.

Петропавлда нан бірден 15 пайызға шарықтап шыға келді. Мысалы, халық көп тұтынатын "ерекше" сұрыпты нанның бір бөлкесі 91 теңгеден 105 теңгеге дейін қымбаттаған. Ал кейбір дүкендерде тіпті 120 теңгеден сатылады. Қалалық әкімдік қызметкерлерінің айтуынша, оған бидай бағасы себеп болған. Биыл Солтүстік Қазақстан облысында астық қымбат. Бірақ әлеуметтік нан өзгерген жоқ. Бұрынғыша 61 теңге. Бірақ сатушылардың айтуынша, оны ешкім алмайды. "Бір сауда нүктесінде күніне 10-ақ бөлке өтуі мүмкін",  - дейді олар.

Айта кетейік, облыста соңғы жарты жылда нан 3-рет қымбаттап отыр. 

"Бізде нан-тоқаш комбинаты нанның екі түрін шығарады. Біріншісі - қалалық. Ол 61 теңге тұрады. Және екіншісі - "ерекше петропавлдық". Ол әлеуметтік маңызы бар өнімге жатпайды", - дейді қалалық кәсіпкерлік және ауыл шаруашылығы бөлімінің басшысы Евгения Сальникова.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай