+7 (777) 001 44 99
ПОДЕЛИТЬСЯ
Кеше, 23 мамырда Өскемендегі Пушкин кітапханасында қазақтың көрнекті саяси жəне қоғам қайраткері, тарихшы- ғалым, этнограф, қазақтан шыққан тұңғыш теміржол қатынастарының инженерінің шығармашылығына арналған "Қазақтан шыққан тұңғыш инженер - Мұхамеджан Тынышбаев" атты ғұмырнамалық кеш өтті, - деп хабарлайды Tengrinews.kz тілшісі.
Кеше, 23 мамырда Өскемендегі Пушкин кітапханасында қазақтың көрнекті саяси жəне қоғам қайраткері, тарихшы- ғалым, этнограф, қазақтан шыққан тұңғыш теміржол қатынастарының инженерінің шығармашылығына арналған "Қазақтан шыққан тұңғыш инженер - Мұхамеджан Тынышбаев" атты ғұмырнамалық кеш өтті, - деп хабарлайды Tengrinews.kz тілшісі.
Басқосуда "Үлкен террор" құрбаны болған әмбебап ғалым, халқымыздың біртуар перзентінің талайлы тағдыры туралы тамаша естеліктер айтылып, алаш арысының артында қалған мұрасы кеңінен насихатталды. Қонақтар Мұхаметжан Тынышбаев мұрасын насихаттауда ұрпақтарының сіңірген еңбегі туралы бейнефильмдер тамашалады.
"Мен Мұхамеджан Тынышбаевтың жерлесімін. Шеше жағынан рулас болып келеміз. 27 жастағы қазақ жігіті думаға өткен кезде, ол кісіге деген құрметім арта түскен еді. 1956 жылдары мектепте оқып жүрген кезде осы М. Тынышбаев, І. Жансүгіровтерді халық жаулары деген хабарларды естіп таң қалатынмын. Өзім оқу бітіргеннен кейін түрлі жұмыстарда істедім. Өскеменге келгенде көзіме бірден түскені - барлығы орыс тілінде, көшенің аттары бәрі орысша, кішкене болсада жанды қинаған жағдай болды. Осы жаңғыруға байланысты Защитадағы екі көшенің атын өзгертуге инициатор болдым. Бірі Лениногорск көшесі - Теміржолшылар , екіншісі - Октябрьский М. Тынышбаев атындағы көше болып өзгертілді. Алғашқы қазақ инженері, теміржолшы осы салаға еңбегі сінген адам. Ол кісіге бермегенде кімге береміз", - дейді аймақтық теміржолшылар ардагерлер кеңесінің төрағасы Исабаев Төлеген.
Сондай-ақ, "Алаш арысы Мұхаметжан Тынышбаев" атты көрмеде қоғам қайраткерінің өмірі мен шығармашылығы туралы әдебиеттер ұсынылды.
