Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.80
EUR / KZT - 390.57
CNY / KZT - 49.88
RUB / KZT - 5.60

"ҚазАлко" Қазақстанда арақ бағасын төмендетуді ұсынды

02 Сәуір 2015, 16:28
1
© РИА Новости
© РИА Новости

"ҚазАлко" қауымдастығы Қазақстанда арақ бағасын төмендетуді ұсынды. Бұл туралы Tengrinews.kz тілшісіне қауымдастықтың президенті Әміржан Қалиев хабарлады. Қазір Қазақстандағы арақтың ең төменгі бағасы - 1300 теңге.

Оның айтуынша, отандық ішімдік өнімдерін өндірушілер Ресейдегі арақ өнімдерінің акциздеріне енгізілген өзгерістен кері әсер алды. Қалиевтің айтуынша, Ресей Федерациясы 2015 жылдың ақпан айынан бастап жарты литр арақтың бөлшек саудадағы минималдық бағасын 220 рубльден (700 теңге) 185 рубльге дейін (589 теңге) түсірді. Ал Қазақстанда жарты литр арақ 650 теңге тұрады. Осылайша, шетелдік арақтың бағасы отандыққа қарағанда төмен болды.

"Осының барлығын ескеріп, біз үкімет пен тиісті мемлекеттік органдарға акцизді төмендетіп, бағаны түсіру мәселелерін қайта қарау туралы өтінішімізді жеткіздік. Біз Қазақстанда арақтың минималды бағасын 2014 жылғы межеге жеткізіп, яғни жарты литр үшін 560 теңгені бекітіп, сонымен қатар, 100 пайыздық спирттің акцизін 1020 теңгеге дейін төмендетуді ұсынып отырмыз. Біз мұндай бағаны 2018 жылға дейін бекітуді ұсынамыз. (...) Біз Ресеймен бірге бірыңғай экономикалық кеңістіктеміз, ал ол арақтың бөлшек саудадағы минималдық бағасын көтеруді жоспарлады, алайда оның деңгейін өткен жылғымен қалдыруға шешім қабылдады. Бізде де баға мен акцизді біртіндеп көтеру жоспарланған болатын. Ол ішімдікті халық үшін қолжетімсіз ету туралы Елбасының тапсырмасы аясында жүзеге асырылды. Бірақ ол кездегі жағдай басқа болатын. Бізде оптимистік икем болды. Ал қазір барлығы өзгеше жасалып жатыр. (...) Олай болмайтын болса, отандық этил спирті мен арақ өнімін өндірушілер үшін жағдай қатты қиындауы мүмкін", - деді Қалиев.

Қалиевтің сөзіне қарағанда, қазір Ресеймен шекаралас қазақстандық аудандарды көршілес елдің арағы "басып қалған". Ал өткен жылдары жағдай мүлдем керісінше болатын. Негізгі себеп - Ресейдегі арақ бағасының өзгеруі. "Ресейлік автокөліктермен болған жағдай сияқты. Соның салдарынан сату азаяды, тиісінше - отандық арақтың өндірісі төмендейді. (...) Сонымен қатар, Қырғызстан Еуразия экономика одағына кіргеннен кейін жағдай одан әрі қиындауы мүмкін, себебі олардың арзан өнімі бізге жаппай келе бастайды", - деді "ҚазАлко" басшысы.


Нравится
Поделиться
Пікірлерді көру (1)
Оқылып жатыр
Талқыланып жатыр
Бүгін
Апта
Ай