ҚМГ басшысы Назарбаевқа мұнай нарығындағы жағдай туралы айтып берді

28 Тамыз 2018, 15:13
0
ҚМГ басшысы Назарбаевқа мұнай нарығындағы жағдай туралы айтып берді - © akorda.kz
© akorda.kz

Мемлекет басшысы "ҚазМұнайГаз" ҰҚ" АҚ басқармасының төрағасы Сауат Мыңбаевты қабылдады, - деп хабарлайды Tengrinews.kz тілшісі Ақордаға сілтеме жасап.

Кездесу барысында Қазақстан Президентіне ұлттық компанияның бірінші жартыжылдықтағы қызметінің негізгі қорытындылары мен алдағы перспективаларына арналған жоспарлары жөнінде баяндалды.

Нұрсұлтан Назарбаев "ҚазМұнайГаз" акционерлік қоғамы мұнай-газ жобаларының барлығына қатысатын Қазақстандағы ірі өндіріс холдингтердің бірі екенін атап өтіп, энергетика секторын одан әрі дамыту үшін компанияның әлеуетін пайдалану қажеттігін айтты.

"Бүгінде "ҚазМұнайГаз" белгілі бір даму деңгейіне жетті және құрылымды оңтайландыру, технологиялық үдерістерді цифрландыру, IPO-ға шығуға әзірлік барысын қамтитын трансформация кезеңін бастан өткеруде", - деді Қазақстан Президенті.

Сауат Мыңбаев Мемлекет басшысына энергия ресурстарына деген әлемдік бағаның компания табысына әсер етуі тұрғысынан мұнай нарығындағы ахуалы жөнінде баяндады.

Кездесу қорытындысы бойынша Елбасы бірқатар нақты тапсырма берді.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай