Көлгінов құрылысы кешіктіріліп жатқан мектепті сынға алды

22 Тамыз, 09:00
0
Көлгінов құрылысы кешіктіріліп жатқан мектепті сынға алды - © Әкімдіктің баспасөз қызметінен
© Әкімдіктің баспасөз қызметінен

Елорда әкімі жаңа мектептің құрылысымен танысты, деп хабарлайды Елорда Инфо әкімдіктің баспасөз қызметіне сілтеме жасап.

Қала әкімі Алтай Көлгінов А.Иманов пен Е.Брусиловский көшелерінің қиылысындағы мектепке барды. Қазір оқу орнында ішкі әрлеу, батарея орнату және аумақты абаттандыру жұмыстары жүргізілуде. Кабинеттер мен асханаларға арналған жиһаз, спорт жабдықтары сатып алынды. Сумен жабдықтауға және электр энергиясына қосылуға рұқсат бар. Тек жұмыс қарқыны баяу жүріп жатыр.


© Әкімдіктің баспасөз қызметінен

Елорда әкімі Алтай Көлгінов оқу жылының басында мектеп ашылуға дайын болуы керек деп атап өтті.

"Оқу жылының басталуына тоғыз күн қалды. Сіздің жұмысыңыз әлі де орындалмаған. Мектеп ауласы абаттандырылмаған, су мен жарық өткізілмеген. Жаңа мектептерді бір жылдан кейін күрделі жөндеу жүргізуге тура келмейтіндей етіп салу керек. Қазіргі таңда ескі мектептер жаңалары сияқты жөндеуді қажет етпейді. Шатырға ерекше көңіл бөліңіз. Жаңбыр маусымы басталады. Оқу орнында балалар өздерін қауіпсіз және жайлы сезінуі тиіс", - деді Көлгінов.

Мектеп жаңа оқу жылы ашылуы тиіс. Мекеме 900 орынға есептелген. Елордада осы оқу жылында 3 жаңа мектеп пен 5 қосымша құрылыс ашылады. Елорда әкімі өткен аптада "Мичурин" тұрғын алабында орналасқан мектепке барды. Оның ашылуы екінші тоқсанға жоспарланып отыр.

Жинақы құрылыс бойынша кешенді жоспар аясында 5 жылдық кезеңге 37 жаңа мектеп салу жоспарланған. Сондай-ақ, инвесторлар елордада 11 жеке меншік мектеп салуға мүдделі. Инвестиция сомасы - 27,6 млиллиард теңге.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай