Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 333.08
EUR / KZT - 391.50
CNY / KZT - 50.00
RUB / KZT - 5.64

Көлікке газ баллоны құрылғысын орнату шығыны жарты жылда ақталады - Школьник

07 Қазан 2014, 21:08
0
Фото tengrinews © мұрағатынан алынды
Фото tengrinews © мұрағатынан алынды

Көлікке газ баллоны құрылғысын орнату шығыны қазіргі бағамен есептегенде жарты жылда ақталады. Бұл туралы ҚР Энергетика министрі Владимир Школьник мәлімдеді, - деп хабарлайды Tengrinews.kz тілшісі.

"Егер Сіздің көлігіңіз седан болса, онда оған қазіргі бағада құрылғыны 100-150 мың теңге аралығындағы ақыға орната аласыз, бензиннің бағасымен есептегенде бұл құрылғыға кеткен шығынды жарты жылда өтеуге болады. Ал жол талғамайтын көлік мінетіндер үшін бұл құрылғы шамамен 300 мың теңге тұрады. Ондайда шығын 10-12 ай ішінде өтеледі. Қазір елімізде 508 газ толтыру стансасы бар, бірақ облыс бойынша бұл мәселе әлі де өзекті" - деді министр ҚР-дағы мұнай саласын дамыту мәселелеріне арналған Парламент Мәжілісінің Экология және табиғатты пайдалану мәселелері жөніндегі комитеттің кеңейтілген отырысында депутаттар қойған сауалға берген жауабында.

Школьниктің айтуынша, Қазақстанда 2,5 миллион тонна сұйылтылған газ өндіріліп, оның 1,8 миллион тоннасы экспортталады. "600 мыңын өзімізде пайдаланамыз, автокөліктер үшін бұл өте аз. Қалғанын күнделікте тұрмыста тұтынамыз. Біздің ұсынатынымыз - экспортты жекелей шектеп, мотор отыны ретінде сұйылтылған газды пайдалану бойынша нақты да түсінікті бағдарлама. Мұны тез жасауға болады. Өте жақсы бизнес" - дейді ол.

Сондай-ақ, министр бұл мәселе шешімінде белгілі бір техникалық қиындықтар барын айтты. Мысалы, газ толтыратын бекетті жанар-жағармай құю бекеті жанына орналастыруға мүлде болмайды, оған бөлек жер керек.

Алдында біз қазақстандықтар автокөлігіне қызмет ақысы арзан болғандықтан газ баллоны құрылғысын Ресейде орнатқысы келетінін айтқан болатынбыз. Мұнай саласының сарапшысы Сергей Смирнов Қазақстанда бүкіл көлікті жаппай газға көшіру тек 2017 жылы мүмкін болатынын мәлімдеген.

 


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай