1. Басты
  2. Біл
  3. Жаңалықтар
  4. Ел жаңалықтары

Контрабандашылар құбыр арқылы Қазақстаннан Қырғызстанға бензин өткізумен айналысқан

Қырғызстан Қаржы полициясы Қазақстаннан республикаға заңсыз отын жеткізген қылмыстық топты анықтады, - деп хабарлайды Tuz.kg басылымы.

Басылымның мәліметінше, Мемлекеттік қызметтің экономикалық қылмыстарға қарсы күрес жөніндегі Аламедин және Ысық-ата аудандары бойынша бөлімдерінің қызметкерлері Қазақстаннан қырғыздың Кен-Булун ауылына дейін жер астымен тартылған үш шақырымдық су құбырын тапқан.

Қаржы полициясы қызметкерлерінің болжамынша, бұл құбырмен күніне шамамен 100 тонна бензин өткізіліп отырған.

Сонымен қатар, қылмыстық ойларды жүзеге асыру үшін қажетті жабдықтарды (ЖЖМ-ға арналған ыдыстар, ЖЖМ-ды айдауға арналған сорғылар және басқа құралдар) жинау және сақтау жүргізілген база мен орын табылып отыр екен.


Суреттер tuz.kg сайтынан