ҚР қорғаныс және аэроғарыш өнеркәсібі вице-министрі тағайындалды

01 Наурыз 2018, 11:57
0
ҚР қорғаныс және аэроғарыш өнеркәсібі вице-министрі тағайындалды - Тимур Шаймергенов. © primeminister.kz
Тимур Шаймергенов. © primeminister.kz

Қазақстан Республикасы Үкіметінің Қаулысымен Шаймергенов Тимур Төлегенұлы ҚР қорғаныс және аэроғарыш өнеркәсібі вице-министрі болып тағайындалды, - деп хабарлайды Tengrinews.kz тілшісі ҚР премьер-министрдің сайтына сілтеме жасап. 

Тимур Шаймергенов 1982 жылы Жамбыл облысында дүниеге келген. 2004 жылы Алматы қалалық Халықаралық мамандықтар институтын тәмамдады, 2009 жылы ҚР Президенті жанындағы Қазақстан стратегиялық зерттеулер институтында саяси ғылымдар кандидатының ғылыми дәрежесін алу үшін диссертация қорғады.

2009-2017 жылдары Гарвард, Оксфорд, Кембридж, Пенсильвания, Колумбия университеттерінде жетекші құрамға арналған оқу бағдарламасынан өтті.

Халықаралық қатынастар және қауіпсіздік, стратегиялық менеджмент және тәуекелдерді басқару саласында маман біліктілігіне ие. Қазақ, орыс, ағылшын тілдерін меңгерген.

Еңбек жолын 2004 жылы Әл-Фараби атындағы Қазақ ұлттық университетінде бастаған, ҚР Президенті жанындағы Қазақстан стратегиялық зерттеулер институтында, ҚР Парламенті Мәжілісі және ҚР Қауіпсіздік Кеңесі аппараттарында түрлі қызметтер атқарған. ҚР Сыртқы істер министрлігі жанындағы Қоғамдық кеңестің мүшесі.

ҚР Қорғаныс және аэроғарыш өнеркәсібі министрлігіне қызметке тағайындалмас бұрын ҚР Президенті Әкімшілігі жүйесінде жұмыс істеген.  

"Қазақстан халқы Ассамблеясына 25 жыл", "ҚР Конституциясына 20 жыл", "ҚР Дипломатиялық қызметіне 25 жыл", "ҚР Ұлттық қауіпсіздік комитетіне 25 жыл" медальдарымен марапатталған.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай