ҚР МҚІСЖ қарсы іс-қимыл агенттігінің Алматы бойынша департамент басшысы тағайындалды

04 Қыркүйек 2018, 10:53
0

ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің Алматы бойынша департаментін Данияр Таумұрат басқарады, - деп хабарлайды Tengrinews.kz тілшісі баспасөз қызметінің өкілдеріне сілтеме жасап. 

"ҚР Мемлекеттік қызмет істері және сыбайлас жемқорлыққа қарсы іс-қимыл агенттігі төрағасы Алик Шпекбаевтың бұйрығымен Алматы қаласы бойынша өңірлік департамент басшысы қызметіне Данияр Таумұратты тағайындады", - делінген хабарламада.  

Данияр Таумұрат 1982 жылы туған. Қазақ гуманитарлық-заң университетінде заңгерлікті оқып, Қазақстан Республикасы Президентінің жанындағы Мемлекеттік басқару академиясының магистратурасын тәмамдаған. Сондай-ақ, ол Лондон экономика және саяси ғылымдар мектебінің түлегі, "Болашақ" халықаралық бағдарламасының стипендиаты.

2003 жылдан бері мемлекеттік қызметте. Қазақстан Республикасы Президентінің Әкімшілігінде тәжірибесі бар.

2014-2015 жыл аралығында Мәдениет министрлігінің қоғамдық-саяси жұмыс комитетінің меңгерушісі.

2015 жылдан қазіргі уақытқа дейін Мемлекеттік сыбайлас жемқорлыққа қарсы күрес жөніндегі бюросында, сондай-ақ Мемлекеттік қызмет істері және сыбайлас жемқорлыққа қарсы іс-қимыл агенттігінің орталық аппаратында жұмыс істеді.

Тағайындалғанға дейін ҚР Мемлекеттік қызмет істері және сыбайлас жемқорлыққа қарсы іс-қимыл агенттігінде департаментте директорлық қызмет атқарған. 

Жаңа қызметке тағайындалған Данияр Таумұратты таныстыру кезінде Саян Ахметжанов оның тағайындалуы ең алдымен орталық аппарат тәжірибесін өңірлерге беру маңыздылығына байланысты екенін атап өтті.

"Орталық-аймақ" негізінде жүзеге асырылған бұл айналым орталық деңгейден өңірлік деңгейге дейін таратуға қабілетті лидерлердің аумақтық органдарын нығайтуға мүмкіндік береді", - дейді Саян Ахметжанов.

Осыған дейін Алматы қаласы бойынша бұл аумақтық департаменттің бастығы болған Айгүл Байханова Президент жанындағы Мемлекеттік басқару академиясына түсті.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай