ҚР Президенті Жер мәселесіне қатысты комиссия құруды тапсырды

05 Мамыр 2016, 18:25
0
ҚР Президенті Жер мәселесіне қатысты комиссия құруды тапсырды -

ҚР Президенті Жер мәселесіне қатысты комиссия құруды тапсырды, - деп хабарлайды Tengrinews.kz тілшісі Ақорданың Facebook желісіндегі парақшасында жарияланған видеоға сілтеме жасап. 

"Халыққа ұнамайтын заңның керегі жоқ, бірақ түсіндіру керек, оны алып тастағаннан кейін ауыл шаруашылығына қандай мүшкілдік болатынын. Оны диһандар ғана біледі далада отырған, егін егіп, мал жайып отырғандар. Асфальтта жүріп айғайлағандар емес. Бірінші, үкімет жанынан бірінші вице-премьер Бақытжан Сағынтаев жетекшілік ететін комиссия құруды тапсырамын. Ол комиссия мемлекеттік органдар, қоғамдық органдарменен мына шаруаны талқылап, нақты түсіндіріп, Жер кодексіндегі даулы мәселелерді айқындап, Парламентке ұсыныстарды беріп, Парламентпен бірге қайтадан қарайтын боламыз. Түсінбей жүрген адамдарды шақыру керек. Бұл жұмысты Нұр Отан партиясымен бірге, оның жанындағы демократиялық күштердің біріккен коалициясы бар, ауқымды түсіндіру жұмысын жүргізу керек. Оған барлық партия, қоғамдық ұйым, БАҚ тартылуы керек. Оны жасырып қымтыратын ештеңесі жоқ. Барлық ел істеп отырған экономика ғой бұл", - деді Нұрсұлтан Назарбаев Ақордадағы жиында. 

Осыған дейін Назарбаевтың Жер кодексіндегі түзетулерге мораторий жариялағаны хабарланған болатын. 

Еске салайық, Ақордада Мемлекет басшысының төрағалығымен күн тәртібіндегі өзекті мәселелер бойынша отырыс өтіп жатыр. "Ақордада жаңа ғана Мемлекет басшысының төрағалығымен кеңес басталды. Шара барысында қазіргі күн тәртібіндегі мейлінше өзекті мәселелерді талқылау жоспарланған. Кеңеске Парламент палаталарының төрағалары, Премьер-Министр, Президент Әкімшілігінің басшысы, Үкімет мүшелері мен мемлекеттік органдардың басшылары қатысып жатыр", - деп хабарлады Президенттің баспасөз хатшысы Дәурен Абаев Facebook желісінде.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай