Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.80
EUR / KZT - 390.57
CNY / KZT - 49.88
RUB / KZT - 5.60

ҚР Ұлттық банкі "Ана" атты естелік шақаны шығарды

21 Қараша 2014, 15:02
0
"Ана" бақыры - "Жүректен жүрекке" сериясының бірінші бақыры. ©nationalbank.kz
"Ана" бақыры - "Жүректен жүрекке" сериясының бірінші бақыры. ©nationalbank.kz

Қазақстан Ұлттық банкінің "Ана" деп аталатын шақасы айналымға шықты, - деп хабарлайды Tengrinews.kz тілшісі ҚР Ұлттық банкінің баспасөз қызметіне сілтеме жасап.

Номиналы 500 теңге болатын, алтын жалатылған күміс бақыр - "Жүректен жүрекке" сериясының бірінші шығарылымы. Оның бетіндегі ортаңғы бөлігінде ою-өрнекпен өрнектелген жүрек бейнеленген, "500 ТЕҢГЕ" номиналы, сонымен қатар, бақырдың жасалған металын, сынама белгісін, салмағы мен Қазақстан теңге сарайының тауар белгісін білдіретін "Ag 925 31,1 g." жазуы бар. Естелік шақаның айналасына күңгірттелген жиектеме жасалған, онда "ҚАЗАҚСТАН ҰЛТТЫҚ БАНКІ" және "NATIONAL BANK OF KAZAKHSTAN" мәтіндері жазылған.

Шақаның артқы бетіндегі орта бөлігіне ана мен баланың күн алдында тұрған бейнесі салыныпты, мемлекеттік тілде "АНА", орыс тілінде "МАМА" деген жазу жазылып, шақаның шыққан жылы көрсетілген. Айналасына мемлекеттік тілде "ЖҮРЕТЕН ЖҮРЕККЕ", ал орыс тілінде "ОТ СЕРДЦА К СЕРДЦУ" деп жазылған, ағылшын тілінде "FROM HEART TO HEART" деп жазылған.

"Ана" естелік шақасы - жалпыадамгершілік құндылықтарды көрсетуді және оны адамнан адамға ой салуды көздейтін "Жүректен жүрекке" сериясының бірінші шығарылымы. Ұлттық банк өкілдері бұл серияның шақаларын жақын және сүйікті адамдарға арналған жақсы сый болады деп есептейді.


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай