Қуаныш Бишімов "Қазақстан инжиниринг" компаниясының басқарма төрағасы болып тағайындалды

14 Маусым, 17:58
0
Қуаныш Бишімов "Қазақстан инжиниринг" компаниясының басқарма төрағасы болып тағайындалды - © Фото:primeminister.kz
© Фото:primeminister.kz

"Қазақстан инжиниринг" ұлттық компаниясы" АҚ Директорлар кеңесінің шешімімен Қуаныш Бишімов басқарма төрағасы болып тағайындалды, - деп хабарлайды Tengrinews.kz тілшісі ҚР премьер-министрінің сайтына сілтеме жасап.

Бұған дейін осы лауазымды атқарған Нұрмұхамбет Әбдібеков басқа жұмысқа ауысуына байланысты қызметінен босатылды.

Қуаныш Бишімов 1972 жылғы 2 қаңтарда Қарағанды облысында дүниеге келген. 1994 жылы Қарағанды политехника институтын "инженер-механик" мамандығы бойынша, 2001 жылы Е. Бөкетов атындағы Қарағанды мемлекеттік университетін "заңгер" мамандығы бойынша тәмамдаған.

Еңбек жолын 1994 жылы ТББ механик-бақылаушысы, №3 Қарағанды автобус паркінің өндірістік диспетчері болып бастады. Түрлі жылдары кедендік органдарда, Экономика және сауда министрлігінің, ҚР Индустрия және сауда министрлігінің құрылымдық бөлімшелерінде жұмыс істеді.

2003 жылдан 2005 жыл аралығында "Қазақстан инжиниринг" ҰК" АҚ қорғаныс өндірістері, жобаларды басқару және техникалық даму департаментінің директоры лауазымын атқарды.

2005 жылдан 2017 жыл аралығында "Тыныс" АҚ, "Петропавл ауыр машина жасау зауыты" АҚ бас директоры және "Қазақстан инжиниринг" ҰК" АҚ вице-президенті болып жұмыс істеді.

2017 жылғы желтоқсаннан бастап "Атамекен" ҚР ұлттық кәсіпкерлер палатасының басқарма төрағасының орынбасары қызметін атқарған.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай