Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 333.08
EUR / KZT - 391.50
CNY / KZT - 50.00
RUB / KZT - 5.64

Қытай Астанада өтетін Әлемдік және дәстүрлі діндер көшбасшылары съезіне қатысатын болды

17 Сәуір 2015, 15:30
0
ҚР Парламенті Сенатының Әлеуметтік-мәдени даму және ғылым комитетінің төрағасы Ахан Бижанов пен ҚХР Дін істері жөніндегі мемлекеттік басқармасының басшысы Ван Цзоань. © ҚР СІМ баспасөз қызметі
ҚР Парламенті Сенатының Әлеуметтік-мәдени даму және ғылым комитетінің төрағасы Ахан Бижанов пен ҚХР Дін істері жөніндегі мемлекеттік басқармасының басшысы Ван Цзоань. © ҚР СІМ баспасөз қызметі

Қытай Астанада өтетін Әлемдік және дәстүрлі діндер көшбасшылары съезіне қатысатын болды, - деп хабарлайды Tengrinews.kz тілшісі ҚР СІМ баспасөз қызметіне сілтеме жасап.

Баспасөз қызметінің мәліметінше, 14-15 сәуірде Қытайға сапары барысында ҚР Парламенті Сенатының Әлеуметтік-мәдени даму және ғылым комитетінің төрағасы Ахан Бижанов ҚХР Дін істері жөніндегі мемлекеттік басқармасының басшысы Ван Цзоаньмен өткен кездесуде Қытайдың діни бірлестіктеріне 2015 жылы 10-11 маусымда Астанада өтетін Әлемдік және дәстүрлі діндер көшбасшыларының V съезіне шақыру хаттарды табыс етті. Кездесуге Қытайдың Дао, Будда және Мұсылман қауымдастықтарының басшылары қатысты.

"Бижанов діни лидерлері қытайлық делегациясының Съездің жұмысына қатысуы Қытайдың дәстүрлі конфессияларының мәдениетаралық және өркениетаралық диалогты жаһандық деңгейде белсене ілгерілетудегі игі жігері мен ықыласын көрсететінін атап өтті. Ван Цзоань V Съезге шақыруы үшін Қазақстанның басшылығына алғысын білдірді", - делінген хабарламада.

Айта кетейік, кездесу барысында Ван Цзоань Қытайдың діни бірлестіктерінің алдағы Съезге қатысатынын растағанын айтты.

Еске сала кетейік, бұған дейін Біріккен Ұлттар ұйымының Бас хатшысы Пан Ги Мунның Әлемдік және дәстүрлі діндер көшбасшыларының съезіне қатысуға шақырылғаны хабарланған болатын. Ол кезде Сенат спикері Қасым-Жомарт Тоқаев БҰҰ Бас хатшысына Нұрсұлтан Назарбаевтың форум жұмысына қатысуға шақыру туралы жеке жолдауын табыстау үшін Нью-Йоркқа іссапармен барды.


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай