+7 (777) 001 44 99
ПОДЕЛИТЬСЯ
Астана қаласының мамандандырылған ХҚКО инспекторлары көлік құралдарына салық берешегін өздігінен тексере алатын болады, - деп хабарлайды Tengrinews.kz тілшісі "Халыққа қызмет көрсету орталығы" Республикалық мемлекеттік кәсіпорнына сілтеме жасап.
Астана қаласының мамандандырылған ХҚКО инспекторлары көлік құралдарына салық берешегін өздігінен тексере алатын болады, - деп хабарлайды Tengrinews.kz тілшісі "Халыққа қызмет көрсету орталығы" Республикалық мемлекеттік кәсіпорнына сілтеме жасап.
"Елорданың Халыққа қызмет көрсету орталығы қалалық Салық департаментімен бірлесе отырып, ХҚКО-ның базасында пилоттық жобаны іске асыратын болды. Осы жобаның шеңберінде инспекторлар көлік құралының иесінде салық берешегінің болуын тексере алатын болады. Айта кетейік, бұрын мұны тек Астана қаласының салық департаментінің қызметкерлері ғана жасайтын", - делінген хабарламада. Осылайша жаңа сервис азаматтарды көлік құралдарына салық төлемін растау үшін салық органдарына барудан құтқарады, сөйтіп, қызмет көрсету уақыты да қысқарады.
"Әзірге бұл жоба Астана қаласында ғана іске асырылады. Бірақ болашақта бұл жоба осындай мамандандырылған ХҚКО бар барлық қалаларда енгізілетін болады", - деп атап өтті "ХҚКО" РМК бас директоры Мұрат Айтуғанов.
Айта кетейік, Астана қаласы бойынша Мамандандырылған халыққа қызмет көрсету орталығы 2013 жылғы қыркүйекте Елбасының автокөлікті тіркеу және жүргізуші куәліктерін беру функцияларын ХҚКО қарамағына беру жөніндегі тапсырмасының аясында іске қосылды. Бүгінгі күні Астана қаласы мамандандырылған ХҚКО-сы күніне орташа есеппен алғанда 500 – 700 адамға қызмет көрсетеді. Сегіз ай ішінде астаналық мамандандырылған ХҚКО-да 12 910 жүргізуші куәлігі берілді, 89 910 автокөлік құралы тіркелді. Бүгінде осы іспеттес мамандандырылған ХҚКО-лар Алматы, Қарағанды, Тараз және Ақтау қалаларында жұмыс жасауда. 2015 жылдың басына қарай Қызылорда, Петропавл, Павлодар және Талдықорған қалаларында осындай 4 ХҚКО-ны іске қосу жоспарланып отыр.
