Мамин Қазақстандағы АҚШ елшісімен кездесті

23 Шілде, 17:28
0
Мамин Қазақстандағы АҚШ елшісімен кездесті - © primeminister.kz
© primeminister.kz

ҚР премьер-министрі Асқар Мамин Қазақстандағы АҚШ елшісі Уильям Мозермен кездесті., - деп хабарлайды Тengrinews.kz тілшісі Үкімет баспасөз қызметіне сілтеме жасап.

Кездесу барысында инвестициялық салада, мұнай саласында, агроөнеркәсіптік секторда ынтымақтастықты одан әрі дамыту мәселелері талқыланды.

"Құрама Штаттар Қазақстанның басты серіктестері мен инвесторларының бірі болып қала бермек", - деп ҚР Премьер-Министрі, 2018 жылғы қаңтардағы ҚР Тұңғыш Президенті Н. Ә. Назарбаев пен АҚШ Президенті Д. Трамп қол жеткізген уағдаластықтарды іске асырудың, сондай-ақ, өзара тиімді өзара іс-қимыл көкжиегін кеңейтудің маңыздылығын атап өтті.

2018 жылдың қорытындысы бойынша ҚР мен АҚШ арасындағы тауар айналымы 37,3 пайызға $2,2 млрд дейін өсті. Америкалық инвестициялардың Қазақстан экономикасына ағымы 44,7 пайызға өсті және $5,3 млрд жетіп, жаңа абсолютті рекорд орнатты.

"Инвестициялар тартып, стратегиялық инвестициялық жобаларды іске асыру үшін инвесторларға аса қолайлы жағдай жасауға ерекше назар аударылады. Жаңа тәсілдер америкалық серіктестер үшін неғұрлым қолайлы жағдай жасайды", - деді Асқар Мамин.

Перспективалы экспортқа бағдарланған салаларда инвестициялық жобаларды іске асыру мәселелерін тиімді шешу үшін тікелей шетелдік инвестициялар бойынша Үйлестіру кеңесі және Тікелей шетелдік инвестициялар қоры құрылды.

ҚР премьер-министрі ірі америкалық компаниялардың агроөнеркәсіптік сектордағы жобаларын жүзеге асырудың перспективалығын атап өтті және өңір нарықтарына шығумен Қазақстан аумағында өндірісті ұйымдастырудың мүмкіндігіне тоқталды.

Өз кезегінде, У. Мозер инвестициялық ахуалды жақсарту тәсілдерін жоғары бағалап, америкалық тараптың ынтымақтастықты қолданыстағы форматта жалғастыруға дайын екенін жеткізді.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай