Мамин Томас Шэннонмен Қазақстанның экономикалық дамуындағы америкалық бизнестің рөлін талқылады

26 Қазан 2016, 10:27
0
Мамин Томас Шэннонмен Қазақстанның экономикалық дамуындағы америкалық бизнестің рөлін талқылады -

ҚР премьер-министрінің бірінші орынбасары Асқар Мамин АҚШ мемлекеттік хатшысының саяси мәселелер жөніндегі орынбасары Томас Шэннонмен кездесу өткізді, - деп хабарлайды Tengrinews.kz тілшісі премьер-министрдің сайтына сілтеме жасап.

Кездесу барысында ҚР мен АҚШ арасындағы саяси, сауда-экономикалық, энергетикалық салалардағы ынтымақтастықтың қазіргі жағдайы мен келешегі, сондай-ақ, халықаралық күн тәртібіндегі өзекті мәселелер талқыланды. Екі жақ Қазақстанның экономикалық дамуындағы америкалық бизнестің рөлін және ЭКСПО-2017 мен "Нұрлы жол" бағдарламасы тұрғысындағы ынтымақтастықтың жаңа перспективаларын талқылады.

Асқар Мамин Астанадағы ЭКСПО-дағы АҚШ-тың көрме павильонының ұйымдастырылуына алғысын білдірді.

Тараптар Стратегиялық серіктестік жөніндегі комиссия, Энергетика саласындағы серіктестік жөніндегі ортақ комиссия және Ғылыми-техникалық ынтымақтастық жөніндегі комиссия секілді екіжақты Қазақстан-Америка тетіктерінің сәтті жүргізіліп жатқан жұмыстарын ерекше атап өтті.

"Біз АҚШ-пен Стратегиялық серіктестік жөніндегі комиссия шеңберіндегі жұмыстарға ерекше назар аударамыз. Бұл механизм өзінің тиімділігін көрсетті әрі екіжақты қарым-қатынасты нығайтуда маңызды қадамға айналды", - деді Асқар Мамин.

Томас Шэннон ҚР мен АҚШ арасындағы ынтымақтастыққа жоғары баға беріп, Қазақстанның Орталық Азиядағы өңірлік қауіпсіздік пен тұрақтылықты қамтамасыз етуде аса үлкен орын алатындығын айтып өтті.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай