Маңғыстау облысының әкімдігі ХЖТИЖ орталығымен өзара серіктестік туралы меморандумға қол қойды

10 Желтоқсан 2018, 19:58
0
Маңғыстау облысының әкімдігі ХЖТИЖ орталығымен өзара серіктестік туралы меморандумға қол қойды -

Маңғыстау облысының әкімдігі Халықаралық жасыл технологиялар және инвестициялық жобалар орталығымен өзара серіктестік туралы меморандумға қол қойды, - деп хабарлайды Тengrinews.kz тілшісі. 

Бүгін Астанада Маңғыстау облысының әкімі Ералы Тоғжанов және "Халықаралық жасыл технологиялар және инвестициялық жобалар орталығы" (ХЖТИЖО) жетекшісі Рәпіл Жошыбаев өңірге жасыл технологиялар және инвестициялық жобалар енгізу мақсатында өзара серіктестік туралы меморандумға қол қойды.

Ұсынылған құжат Маңғыстау өңірінде іске асырылатын жобаларға қатысты мәселелердің кең спектрін қарастырады, оның ішінде:тұрақты даму, экология, жаңғыртылатын энергия көздерін құрастыру, энергия тиімділігі және энергия үнемділігі, сандық жүйеге көшу, қалдықтарды кәдеге жарату және қайта өңдеу жобалары.

Биыл тамыз айында Маңғыстау облысында Халықаралық жасыл технологиялар және инвестициялық жобалар орталығының қолдауымен 42 МВт қуаты жел электр станциясының құрылысы басталды.

Кездесу барысында ХЖТИЖО жетекшісі Рәпіл Жошыбаев бұл бағытта Маңғыстау өңірінде белсенді жұмыс жүргізіліп жатқанын, сондықтан Орталық мүмкіндіктерін энергиялық және экологиялық мәселелерді шешудің оңтайлы нұсқаларын табуға арналған  жан-жақты алаңға айналдыру керектігін айтып өтті.

Осы мақсатта меморандумға қатысушы тараптар ақпарат алмасу, өңірдегі кешенді жобаларды іске асыруға көмектесу, инвестициялық, экологиялық, инновациялық және жасыл экономиканы дамытуға арналған ғылыми-білім жобалар барысында бірігіп жұмыс атқаруға келісті.

Техникалық және әкімшілік қолдау аясында, сонымен қатар жасыл инвестициялық жобаларды іске асыру мақсатында ХЖТИЖО "бір терезе" қағидасы негізінде мүдделі тараптарға қызмет атқарады.

ХЖТИЖО коммерциялық емес акционерлік қоғамы "ЭКСПО-2017" көрмесінің мұрасы және инфрақұрылымдық базасы негізінде Елбасының бастамасымен құрылып, Біріккен Ұлттар Ұйымы Жалпы Ассамблеясының 70 жылдық мерейтойында атап өтілді.

Орталық XI Астаналық Экономикалық Форум - GLOBAL CHALLENGES SUMMIT аясында 2018 жылы 17 мамырда таныстырылды.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай