Маңғыстауда "Жыл адамы" байқауының жеңімпаздары анықталды

Маңғыстауда "Жыл адамы" байқауының жеңімпаздары анықталды, - деп хабарлайды Tengrinews.kz тілшісі.

Ақтауда дәстүрлі "Жыл адамы" байқауы қорытындыланды. Жыл бойы атқарған еңбектерін ескеріліп, әр саланың үздіктері марапатталды.

Салтанатты шарада Маңғыстау облысының әкімі Ералы Тоғжанов cөз сөйледі.

"Ел игілігі үшін еңбек ету - асыл іс. Осы орайда біздің өңірде білікті де білгір, бәсекеге қабілетті сан сала саңлақтарын  сый-құрметке бөлеу - бірнеше жылдан бері игі дәстүр. Бұл дәстүр адал еңбек пен абыройлы іске бас болған жандарды жаңа табыстарға ынталандырып, өскелең ұрпақты отансүйгіштік қасиетке баулыр өнеге болары анық. Елбасы өз жолдауында 2019 жылды "Жастар жылы" деп жариялаған болатын. Жастар жылында арманы асқақ, рухы биік жастардың бастаған істеріне, алға қойған мақсаттарына сәттілік тілеймін. Білімді, саналы, салауатты жастар біздің болашағымыз. Үздіктер әр салада тәжірибе жинап, шыңдалған жастардың арасынан шығары анық", - деді Тоғжанов.

Маңғыстау облысының көркеюіне үлес қосқан азаматтар 19 номинация бойынша марапатталдыОсылайша жүзден жүйрік, мыңнан тұлпар азаматтар жылдың үздік номинацияларын қанжығасына байлады.

Марапат иелерінің тізімі төмендегідей:

"Жыл мұғалімі"- Жаңаөзен қаласы "Білім - инновация" лицей -интернаты коммуналдық мемлекеттік мекеменің қазақ тілі мен әдебиеті пәнінің мұғалімі, Мұханова Күләш;

"Жыл тәрбиешісі" - Бейнеу ауданы, "Болашақ" балабақшасының тәрбиешісі, Жазира Нұраханова;

"Жыл ғалымы" - Ш. Есенов атындағы КМТжИУ "Қазақ филологиясы" кафедрасының профессоры, Нұрдаулетова Бибайша;

"Жыл дәрігері" - ШЖҚ "Облыстық онкологиялық диспансер" Маңғыстау облысының денсаулық сақтау басқармасының клинико-диагностикалық бөлімшесінің меңгерушісі, Өсербаева Рыс;

"Жыл медбикесі"-  Мұнайлы орталық аудандық ауруханасы» Қызылтөбе бастапқы медициналық көмек көрсету орталығында жалпы тәжірибелік медбикесі, Қартбаева Миуа;

"Жылдың үкіметтік емес ұйымы" - Мұнайлы аудандық "Азаматтық бастама" қоғамдық бірлестігінің төрайымы, Дәрібаева Райхан;

"Жыл журналисі" - "Қазақстан" РТРК Маңғыстау облыстық филиалы, "Телебағдарламалар дайындау бойынша шығармашылық бөлімнің" шеф-редакторы, Медиева Маржан;

"Жыл спортшысы" - Дзюдо күресінен Қазақстан Республикасының спорт шебері, Нарбаев Бауыржан;

"Жыл полицейі" - Полиция майоры, Ақтау қаласы ІІБ Жергілікті полиция қызметі бөлімінің инспекторы, Самешов Алмат;

"Жылдың мәдениет және өнер қызметкері" - "Көшпелілердің мәдени мұрасы проблемалары жөніндегі қазақ ғылыми-зерттеу институт" директоры, Құлбаев Нұрлан;

"Жыл фермері" - "Kazakh Osseter ғылыми өндірістік кәсіпорны" ЖШС басшысының орынбасары,Жақыпова Турсынгул Жақыпқызы;

"Жыл жебеушісі" - "Ақжол Құрылыс" компаниясының бас директоры, Жолдыбаев Асылбек;

"Жыл мұнайшысы" - "КЕЗБИ" ЖСШ Техникалық директоры , Кезбаев Нұрлан;

"Жыл құрылысшысы" - "Альянс LTD" ЖСШ Құрылыс мастері, Байжанов Каныбек

"Жылдың үздік әлеуметтік қызметкері" - Жаңаөзен қалалық жұмыспен қамту және әлеуметтік бағдарламалар бөлім басшысы, Марқашова Балзираш;

"Жылдың үздік тұрғын-үй-комумналдық шаруашылық қызметкері" - "Көктем" МККкәсіпорын директор орынбасары, Ыбраева Жеміс;

"Жылдың әскери қызметкері" - Маңғыстау облысының қорғаныс істері жөніндегі депармент басшысы, Тастанов Мақсат;

"Жыл кәсіпкері" - АҚ "Даму» Қоры" басқарма төрағасы, Саркулов Абай;

"Жыл танымы" - Соматикалық орталық басшысы,Мусаев Надирходжа.

Сондай-ақ, шара соңында аймақ басшысы Ералы Лұқпанұлы Елбасы айтқан жастар жылының символы ретінде бәйтерек кубогін маңғыстаулық жас көшбасшыларға тапсырды.