Мен Сүлеймен Демирелді адал әрі сенімді дос ретінде құрмет тұттым - Назарбаев

17 Маусым 2015, 16:20
0
Мен Сүлеймен Демирелді адал әрі сенімді дос ретінде құрмет тұттым - Назарбаев - © anspress.com
© anspress.com

Мемлекет басшысы Түркияның тоғызыншы президенті Сүлеймен Демирелдің қайтыс болуына байланысты Түркия Республикасының президенті Режеп Тайып Ердоғанға көңіл айтты, - деп хабарлайды Tengrinews.kz тілшісі Ақорданың баспасөз қызметіне сілтеме жасап.

Қазақстан Президентінің көңіл айту жеделхатында түрік халқының ғана емес, барша түркі әлемінің мақтанышы болған, дүниежүзілік деңгейде кеңінен танымал саяси және мемлекет қайраткерінің өмірден озғаны туралы хабарды зор күйзеліспен қабылдағаны атап өтілген.

"Мен Сүлеймен Демирелді адал әрі сенімді дос ретінде құрмет тұттым. Біз жиі кездесіп, пікір алмасып отырдық, көптеген игі бастамаларға жол аштық. Қазақстан халқы оны парасатты басшы, кемеңгер көсем, Қазақстан мен Түркия арасындағы бауырластық қарым-қатынастарға зор еңбек сіңірген тарихи қайраткерлер қатарындағы көрнекті тұлға ретінде әрдайым есте сақтайды", - делінген жеделхатта.

Нұрсұлтан Назарбаев барша қазақстандықтардың және жеке өзінің атынан Ердоғанға және бүкіл Түркия халқына шын ниетпен көңіл айтты.

Еске сала кетейік, Түркияның бұрынғы президенті Сүлеймен Демирел 91 жасында Анкарада қайтыс болды. Сүлеймен Демирел 13 мамырда Анкарадағы ауруханалардың біріне жатқызылған, дегенмен саясаткердің жағдайы кенеттен нашарлады.

 

  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай