+7 (777) 001 44 99
ПОДЕЛИТЬСЯ
Ішкі істер министрінің бірінші орынбасары Жанат Сүлейменов Қарағандыдағы жаппай төбелестің себебін атады, - деп хабарлайды Tengrinews.kz тілшісі.
Ішкі істер министрінің бірінші орынбасары Жанат Сүлейменов Қарағандыдағы жаппай төбелестің себебін атады, - деп хабарлайды Tengrinews.kz тілшісі.
Оның айтуынша, 31 желтоқсаннан 1 қаңтарға қараған түні шамамен таңғы 04:30-да "Древний Рим" мейрамханасының аумағында жаппай төбелес болған. Онда мейрамхана келушілері, мейрамхана иелері мен қызметшілері болған.
"Жедел тергеу шаралары барысында жаппай төбелеске қатысқан 14 адам анықталды және 9 адам (мейрамхана қызметкерлері) қатысқан. Егер суреттерден көрген болсаңыз, мейрамхананың аумағы үлкен, залдары да үлкен. Сол күні көңіл көтеру орталығында 400-ге жуық адам болған. Түнгі үш шамасында олар мейрамхананы жабады. Таңғы төрт кезінде келушілерге мейрамхананың жабылатыны туралы ескертілген. Осы жаппай төбелестің басталуына себеп болған. Ерегеспен басталған жанжалдың соңы төбелеске айналған", - деді Астанада брифинг барысында ішкі істер министрінің бірінші орынбасары Жанат Сүлейменов
"Сонда болған келушілер мейрамханадан итеріп шығырылған. Содан кейін келушілер тарапынан 10 шақты адам келген. Олар мейрамханаға баса-көктеп кірмекші болып, әр түрлі сөздер айтқан. Осы кезде мейрамхана иелерінің тарапынан, қызметкерлер тарапынан шара қолданылған. Осыдан кейін төбелес шыққан", - деді ол.
23 жастағы жігіттің өліміне қатысты және бұзақылы әрекеттер бойынша Қарағандыда сегіз адам ұсталды және қамауға алынды. Күдіктілердің бірі, азамат Гуруянға іздеу жарияланды.
Қарағандыда төбелес: Дәрігерлер ауруханада жатқан жігіттің жағдайы туралы айтты
Еске салайық, мұның алдында Қарағандыда жаңажылдық түнде мейрамханада болған төбелестен ер адамның қаза тапқаны жайлы хабарланған болатын. Өңірдегі полиция өкілдерінің мәліметінше, 1 қаңтарда қаладағы мейрамханалардың бірінде зорлық белгілері бар 23 жастағы жігіттің денесі табылған. Осы уақытта әр түрлі дене жарақатын алған үш жігіт (24-27 жас аралығындағы жігіттер) медициналық мекеменің көмегіне жүгінген.
