21 ақпан 2018 11:28

"Мұғалім жетімсің деп қорлайды". Алматы облысында 8-сынып оқушылары ұстазына қарсы шықты

ПОДЕЛИТЬСЯ

видеодан үзінді видеодан үзінді

Алматы облысындағы мектептердің бірінде төзімі таусылған балалар үш жылдан бері көрген қорлығын жайып салды. Бұл туралы Еуразия бірінші арнасы хабарлайды. Əлеуметтік желіні шулатқан оқиға Боралдай елдімекеніндегі № 17 орта мектепте болған. Қазақ тілінен сабақ беретін мұғалім сыныпқа жарты сағат кешігіп кіріпті. Балалар сонысын телефонға түсірмек болғанында арты қып-қызыл төбелеске ұласқан. Бойын ыза кернеген педагог бір оқушының қолын сөмкенің бауымен бұрап, екі партаның ортасына қысып, қорқытады. Ата-аналарды да ашындырып отырған осы қылығы. 


Алматы облысындағы мектептердің бірінде төзімі таусылған балалар үш жылдан бері көрген қорлығын жайып салды. Бұл туралы Еуразия бірінші арнасы хабарлайды. Əлеуметтік желіні шулатқан оқиға Боралдай елдімекеніндегі № 17 орта мектепте болған. Қазақ тілінен сабақ беретін мұғалім сыныпқа жарты сағат кешігіп кіріпті. Балалар сонысын телефонға түсірмек болғанында арты қып-қызыл төбелеске ұласқан. Бойын ыза кернеген педагог бір оқушының қолын сөмкенің бауымен бұрап, екі партаның ортасына қысып, қорқытады. Ата-аналарды да ашындырып отырған осы қылығы. 

Телеарна мәліметінше, мұғалімнің шəкірттеріне айтқан сөзін қаз-қалпында жеткізудің өзі ұят. Әр күні бастарына әңгіртаяқ ойнатқан тәлімгерлерінің теріс қылығын оқушылар видеоға түсіріп алған. Бірақ мұның арты дауға ұласқанын айтады. 

"Өз көзіммен көргенмін. Мына қыздарға тиіседі. Әкең жоқ, шешең жоқ деп айтады. Жетім деп айтады" - деді оқушылардың бірі. 

Оқушылардың айтуынша, мұғалім оларды "сорлы",  "жетімсің" деп кемсітеді дейді. Мектеп басшылығы құлақ аспаған соң, дәйек болуы үшін ұстаздарының ісін телефонға түсіруге мәжбүр болған. 

"Бұл жерде баланың білімі қатысы жоқ. Сен оқымайды дегенге ұрып соғуың керек пе? Әр баланың намысына тиіп, неше түрлі сөз айтасыз. Білімін айтып. Содан кейін ашынып осы болып отыр", - дейді ата-ана.

"Сенің балама топас, сорлы деуге құқың да жоқ. Бұрын-соңды айтып келгеніңде сенбейтінмін. Шошып қалған балалар" - дейді оқушының анасы Нұргүл Тайтарасова.

Оқушылар қазақ тілі пәні ұстазымыздың жеке өмірін тыңдаумен өтеді дейді. Жақсы баға алғыларың келсе, сыныптастарыңның диктанттарын тексеріңдер деп үздіктерге жүктейтін көрінеді. Бірақ, оның бәрін мұғалім жоққа шығарды. Шәкірттерінің көбісінің кілең "екілік" алатынын айтып, оған жөнді тәрбие бермеген деп ата-аналарын кінәлап отыр. 

"Бұлар өзінің білімсіздігін жасырып, ата-аналарына басқа айтып барып, жаңағы менен құтылудың әрекеті. Мен білімін тексеріп, ашуланып отырмын ғой. Сабаққа қатыспады, ары-бері жүрді. Мен сол күні кешікпедім", - деп ақталды қазақ тілі пәнінің мұғалімі Айнұр Күлембаева.

Ал, мектеп басшысы Айнұрдың көпбалалы ана білім саласында 18 жыл өтілі бар екенін айтады. Төрт күннен бергі айғайдан соң  бірде бір жиналысқа қатыстыруға әмірі жүрмегенін де мойындады. Сабақтағы этика түгілі, жеке адамның мүлкін тінтудің өзі қылмыс дейді. Өйткені, оқушылардан тартып алған телефонды үйіне апарып қосып, ортақ чатқа түрлі хат жолдағанға ұқсайды.  

"Мен былай дəл осы жерде отырдым. Телефонды сұрады. Сумкама салғам, бер деп жұлқылап..." - дейді оқушылардың бірі.

"Ватсаптық топқа кіріп, осы сыныптың неше түрлі жазып. Ол бар комментарилер жазған. Оның бәрі бізде бар. Сол ашуландырған. Сынып  жетекшілер туралы айтқан. Қарым-қатынастар туралы айтқан" - дейді №17 орта мектептің директоры Жанат Имашева.

Оқытушыны қойып, директордың сөзін құлақ аспаған ұстаздың үсітінен қазір бір топ ата-ана арыз жазып қойған. Істің ақ-қарасын, мұғалімнің тағдырын құзырлы орган өкілдері шешетін болады. Бірақ ата-аналар оқытушыны жұмыстан қумай тынбаймыз дейді. Ал, 8 "ә" сыныптың оқушылары дәл осы ұстаз қазақ тілінен сабақ берсе, сабаққа қатыспаймыз деп отыр.

Читайте также
Join Telegram
Тоқаев Қытайға барады

Валюта бағамы

 448.12   483   4.85 

 

Ауа райы

 

Редакция Жарнама
Социальные сети