Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 333.32
EUR / KZT - 392.58
CNY / KZT - 50.02
RUB / KZT - 5.64

Мырзахметов: Ветеринария саласында ағаттыққа жол берген қызметкерлер мәселесі қызметтік тергеумен шектелмеуі керек

03 Қазан 2016, 15:35
0
© pm.kz
© pm.kz

Асқар Мырзахметов ветеринария саласында ағаттыққа жол берген қызметкерлер мәселесі қызметтік тергеумен шектелмеуі керектігін айтты, - деп хабарлайды Tengrinews.kz тілшісі премьер-министрдің сайтына сілтеме жасап. Бұл туралы ҚР премьер-министрінің орынбасары - ҚР ауыл шаруашылығы министрі Асқар Мырзахметов алқа мәжілісінде ет өнімдеріне берілген жалған анықтамаларға қатысты айтты.

Ауыл шаруашылығы министрлігінің мәліметіне сәйкес, Астана мен өзге қалаларда ет өнімдерін нарыққа шығарудың санитарлық талаптарын күшейту керек, себебі ол өнімдердің сатылуына жол ашатын жалған анықтамалар берілетін болған. Дегенмен, қазіргі таңда мұндай ағаттыққа жол берген қызметкерлердің жұмысына қызметтік тергеу жүргізіліп, құқық қорғау органдарына анықталған деректер бойынша хат жолданған.

Осыған байланысты Асқар Мырзахметов ветеринария саласында ондай мамандарға орынның жоқтығын, сондай-ақ, қиғаш ісі дәлелденген жағдайда дереу жұмыстан шығару керектігін айтып өтті.

"Қызметтік тергеу жүргізілуде дейсіздер. Мынау деген қылмыспен пара-пар. Ішкі істер органдары өз құзыреті шегінде мәселені қарастыра жатар. Бірақ біз өз деңгейімізде мұндайға жол бермеуіміз керек. Еңбек шартында осындай әрекеттерге жауапкершілік көрсетілуі керек. Ветеринарияда мұндайға орын жоқ. Тез арада жағдайды түзеуді тапсырамын. Іс нәтижесі бойынша маған қосымша баяндаңыздар", - деді Асқар Мырзахметов.

Сондай-ақ, алқа отырысында вице-премьер баршаға мәлім деректерді ортаға сала бермей, өткір мәселелерді талқылауға шақырды. 


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай